شنهي افضل جامعه للجرافيكتس ديزاين في استراليا ؟

[Naser Mansour]

السلام عليكم

معاكم ناصر ساكن حاليا في هيوستن/تكساس ,, لغه

بس مادري مرتاح لاستراليا اكثر اكمل دراستي الجامعيه

والتخصص اللي ادوره هو ال Graphict desgin & web desginer

ويمدحون ملبورن بعد

وطبعا كل جامعه فيها هالتخصص يمكن ,, بس مثلا كل جامعه فيها تخصص مميزها عن غيرها
وهاي اللي ادوره

وانا راح ادرس من جيبي ,,

سمعت من حد قالي عشان توفر وقت وفلوس
اللي يدروسن من جيبهم الاغلبيه يدرسون اول سنتين في الكليه ويحولون ساعاتهم ع اخر سنتين
للجامعه وبجي يكون محصل الشهاده حاله حال اللي دارس الاربع سنوات بالجامعه .. فمادري انا شرايكم انتوا؟



امم فيا اخوان اي حد عنده معلومه او شي يقولي ياها وله كل تقدير واحترام

وانا منزل موضوع قبل وماقصتروا معاي ,, منتظر تعليقاتكم عالمووضوع ,,

[Nadia.S]

اذا خاطرك في ملبورن اتوقع royal melbourne university of technology . بس هالجامعة سمعت شوي صعبة :) في بعد queensland university of technology في ولاية كوينزلاند زينة..

[Jassim Al-Naama]

هلا اخوي ناصر

بالتوفيق بالبداية


اذا ودك بمدينة قريبة من الدوحة فهي بيرث وهي الاقرب

والجامعات فيها اما

University of Western Australia وهي جامعة 4 نجوم

Curtin University of Technology وهي 5 نجوم

اما اذا ودك بمكان اخر للسياحة فعليك ببرزبن او ملبورن

سيدني حلوة للسياحة لكن للدراسة صعبة جدا لأن مابتقدر تدرس ابدا في سدني :)

[Naser Mansour]

تسلمون فديت خشمكم والله وقاعد اتفحصهم للجامعات

وجامعه royal melbourne university of technology فعلن عندي كتلوق لها وفعلن داخله راسي
بس مادري ان هالتخصص قوي عندها او لا


بس تعرفون هايي مستقبل ,, وابي شي اكيد مو توقعات ..
^^
الله لايهينكم اذا عندكم رابط لكل جامعه وشنو تميزها اكثر شي باي تخصص..

حصلت لافضل الجامعات بالعالم مثلا
http://www.ulinks.com/topuniversities.htm

او ان كنتوا متاكدين من قوتها بهاي التخصص ردولي خبر

والسموحه ..

[Jassim Al-Naama]

مرحبا اخوي

خبرت بعض الشباب الدارين باستراليا

وعطيتهم لنك الموضوع

وان شاء الله يردون عليك بأسرع وقت :)

بالتوفيق

[Naser Mansour]

رحم الله والديك . من طيب اصلك

[Dana Al-Kuwari]

افا بس افا عليك يا ناصر..
انا زعلانه عليك ..

راز العلم الامريكي ويرفرف شحليله.. وتفكر في استراليا؟؟؟؟
ليش عاد عسى ماشر..

تعال بس كاليفورنيا وانا اظبط وضعك.. :okkiale:
جامعات اشكال والوان..
وخل عنك استراليا..

مادري ليش هالبلاد ماقدرت اهضمها احس ان دمها ثقيل عالقلب !!!!
جايز تكون البلاد زينه وحلوه ومافيها عيب..
بس سبحان الله ماعمري تعرفت على طالب في استراليا الا ونفسه دايخه وشايف نفسه ويجيب الاحباط
يمكن من جي تآثرت وعفت الدوله بكبرها.. الله واعلم ..

[Jassim Al Obaidly]

اخوي ناصر

افضل مناطق استراليا للدراسه هي ملبورن وبرزبن , والزين اللي في ملبورن ان جميع المسابقات والمعارض والمحافل الدوليه تقام في ملبورن فهالشئ يميزها عن غيرها
اذا بغيت جامعه قويه بالتخصصات التكنلوجيه في ملبورن عندك جامعة Swinburne University of Technology , RMIT University

اذا بغيت تستفسر عن ملبورن اكثر , لايردك الا لسناك وحاضرين للطيبين

[Naser Mansour]

فعلن اخوي الموقر اجاسم ملبورن وبرزبن ونسيت كوينز لاند بعد

وافضلهم للطالب والي بيستانس فيها هي ميلبرون

الدوله يعني حتى مخليه المدينه رخيصه عشان يساعدون الطلاب وغير والمميزات الثانيه
واللي هي شامله كثير من الجامعات ومن افضلهم اللي اشوفهم يمدحونها هي RMIT

///

اختى دانا والله الود ودي هني بامريكا اكمل .. بس خبرج والله اقوم كل يوم واشوف

هالاخبار ويدي ع قلبي .. هل بيصير شي بعد ويجلعونا نفس ماجلعوا كثير من الطلاب

بعد 11 سبتمبر ..

اما استراليا بلد بحالها وراكنه وحلوه ... هاي اللي شدني فيها

بس انا احب المغامره ههههه وابي اضل بامريكا ان قدرت

وعيني على كارفلونيا و كلورادو واوستن وفرجينيا

وان شاء الله ربي يكتب فيه الخير