جامعات كندا ؟؟؟

[Fahad Al-thani]

السلام عليكم ورحمة الله وبركاته

اخواني انا درست في كندا انجليزي ورجعت قطر

والصراحة مالي نية اكمل في جامعة قطر لأنهم يدورون السبة ... وتحملت اخطاء غيري بسبة خطأ من احد الموظفين ... وجمدوا قيدي



السؤال هل الجامعات الكندية صعبة مثل ماسمعت ؟؟

خصوصا جامعة ألبرتا لأني ناوي ادرس فيها اللي في ادمنتون ....

[Nawaf Al-Khalifa]

وعليكم السلام ورحمة الله وبركاته ،،

هلا فيك اخوي فهد ،،

الجامعات الكندية حبيب قلبي لا هي صعبه صعبه و لا سهله <--- ما جاب شي جديد ..

لا لا ،، اقصد الجامعه مب صعبه حق اللي يلتفت لدراسته و يتابع واجباته اول بأول ،، و الشي الحلو فيه تعاون حلو من المسؤولين ،، الجامعات الكندية تقريباً مستواها قريب من بعض بحكم انها حكومية من حيث غالبية الدعم ،،

بالنسبة لجامعة البرتا القبول حقها على الاقل 580 في التوفل ( اذا ما كان 600 بالنسبة للبزنس ) ،، سمعت انها قويه و ممتازه بس ما اعرف حد من الشباب راح لها للحين ،، اذا تبي نصيحتي روح لمدينه فيها شوي من الشباب اللي تعرفهم سواء قطريين او خليجيين عشان يساعدونك في البداية ،،

الله يوفقك يا عزيزي و اذا احتجت اي مساعده لا تردد ..

[Omar Al Hazaa]

عليكم السلام ورحمة الله وبركاته .. انا والله توني مراسل جامعة البرتا بخصوص اللغه ..

يقولون المدينه حلوه ومافيها زحمه والمعيشه بعد فيها رخيصه .. وسئلت دكتور عندنا في جامعة قطر عن الدراسه في جامعة البرتا.. قال الجامعه حلوه وقويه ..

بس مادري اذا صعبه ولا لا .. لاكن انت لاتحاتي وصل استخاره..

انا حبيت اسئلك اخوي فهد انت وين درست اللغه في كندا وكم جبت فالتوفل .. وبعد كم شهر درست؟

[Faisal Jaber]

اخوي أنا درست في كندا ثلاث سنوات وكل من جرب كندا ما يمدح الدولة
البرتا أبرد مدينة في كندا يعني ماراح تستحمل أنا عشت في اوتاوا وكنت ادتوم في المشفى اكثر من الجامعة والتفاهم مع الاجانب صعب و المدرسيين مب ذاك الزود واذا مفكر تدرس بروحك ما ينفع كلش لازم يكون عندك مجموعة زينة وتدرس بجد

وأسف على الصراحة وارجوا ان ما يكون ردي متأخر

والسلام عليكم ورحمة الله وبركاته

[Omar Al Hazaa]

اخوي فيصل جابر..
مدام ماعجبتك كندا ليش تميت فيها ثلاث سنوات!

انا بروح فالصيف والجو بيكون حلو..

وولد عمي والله تخرج بكالوريوس من كندا ويمدحها وايد.. والحين يكمل الماجستير في امريكا..

اما بخصوص المدرسين والاجانب<<راي الطلاب يختلف فيهم.. وانا بجرب كورسين فالصيف وان شاءالله مابخسر شي.. ويمكن انت ماكنت محضوض في طاقم التدريس الي كان يدرسك..<<لأن الدكاتره يختلفون من جامعه لجامعه..

وكندا الحين ثاني احسن دوله فالعالم بعد امريكا<<ويكفيهم فخر ان بعض الطلاب الامريكيين يدرسون الدكتوراه في كندا..

والعلماء ترا يقولون ان البرد مفيد للرجل.. مابي اقول من أي ناحيه!!

وانت حذرت من كندا وماعطيتنا البديل..

امريكا الكل يقول انها مافيها امان وتعامل شعبها مب حلو..

استراليا فيها لكنة الهنود والفلبينيين..

بريطانيا بعد الامان خف فيها(والطلاب يشتكون بعد التفجيرات) والشعب البريطاني دمهم ثقيل..

فا كندا افضل واحسن مكان بغض النظر عن الجو<<والجاكيتات والدلاغات ماتقصر..

انا بروح كندا وانصح اخوي فيصل اَل ثاني انه يروحها لأني ماسمعت عنها الا الكلام الطيب..
<<ونصحني دكتورنا الي فالجامعه واهوه عاش له مده في كندا وكان يدرس هناك<<هذا الدكتور شهاب
<<وحصته تكون يوم الخميس بس الطلاب كلهم يحضرون لأن حصته تكون عجيبه..
<<واذا الدكاتره الي في كندا كانوا مثل الدكتور شهاب اعتقد ان هالشي يكفي وزياده والله..

[Faisal Jaber]

السنة الاولى قعت الله يسلمك ادور جامعة علشان يمشي المعاش لان الشباب في السفارة ارسلولي ادمشن بشرط والشرط تجاوز امتحان ما لحقت عليه

السنه الثانيه دراسة وحك لما وصلت المعدل 8 من 12

السنه الثالثة من البرد صادني التهاب في الغدد اللفاويه وظل مزمن ليومك من البرد


اي سح في شباب عدو واغلب الشباب الي مشى حالهم مال البترول لان في اهتمام بس اذا رايح عن طريق الهيئه نصيحة خلك حذر ترى معاملتهم مب شي
اما معملة الكنديين والامريكان ترى اخوي انا كنت مصاحب ناس بيض صنيين صوماليين امريكان يهود سم اي نوع من الناس مروا علي كندي=امريكي الا المسلمين منهم تعرفت على ثلاث وهم الصراحة قمة في الاخلاق وخدمة اخوانهم المسلميين اما كندي نفس الامريكي يستفيد منك ويقطك عظم

المهم اذا انت مقتنع روح مكان في غرب البلاد لان البرتا باردة حدها واتاوا الشتى طويل والحرارة توصل -40 عادي

والسلام عليكم

[Faisal Jaber]

برطانيا احسن من كندا بدرجات ما تتصورها والشباب هناك وايد وخاصه القطريين ليدز واليفربول ها الجامعتتين احسن من اي جامعة ففي كندا في وجهة نظري

[Omar Al Hazaa]

مشكور اخوي فيصل على التوضيح.. وماتشوف شر ان شاءالله..

انا راسلت عدة جامعات..

جامعه قالت ماعندنا عوايل..

والثانيه مابيبتدون فالصيف..

وجامعة كارلتون اهيه الوحيده الي شفتها مناسبه ..

ومعانا فالصف واحد من الشباب درس في بريطانيا 6 شهور فالصيف ودرس لفل 1 فالجامعه ولين الحين ماجاب فالتوفل الا 430 تقريباً..

[Faisal Jaber]

أخوي اذا انت رايح جامعة كالتون و هاذي الجامعة الي كنت مسجل فيها اول ما توصل في امتحان اسمه CAL هذا الامتحان مال اللغة الانجليزية حق الي جايبين توفل اقل من 580 وهو درجته من 90 ولازم تجيب اقل شي 40 والامتحان صراحة غير عن التوفل كلش فاول ماتوصل في مكان في الجا معة اسمة
Paterson hall
اول ما تدخل من الباب راح يكون في شباك صغير كانه شباك تذاكر حق السينما هناك لازم تروح تسجل حق امتحان ال CAL

وفي واحد من ربعي هناك اسمه محمد خالد الشغدري يدرس هندسة حاسب سنه ثالثة اذا بغيت رقمه او بريده الالكتروني انا جاهز ويمكن اكلمه لك يستقبلك اذا كان ممكن

[Omar Al Hazaa]

جزاك الله خير اخوي فيصل على كلامك الطيب..

انا اجلت الذهاب حق جامعة كارلتون لأن في اشياء كثيره تغيرت علي..
وطموحي بعد تغير..

والله يوفقك في دراستك انت وربعك كلهم..