المساعد الشخصي الرقمي

مشاهدة النسخة كاملة : قصيده اسنتدتها للوالد بعد طول غياب

Ali Almarri
12-05-2005, 07:00 AM
السلام عليكم ورحمة الله وبركاته
هذه القصيده كتبتها في شهر رمضان كانت المده اللي قضيتها مش بسيطه فكتبت لي كم بيت وعنزتها على اللوالد وماقصر رد عليها بس ما يحضرني الرد وان شاء الله تحوز على رضائكم ....طبعا اللي عنده ملاحظات على القصيده يتفضل وهذا المطلوب منكم يا أخوان شما..




ترحل يانديبي فوق صاروخن بضرف الحال ......ونص القول للوالد معاه المسك والفلي


ووصل له سلامن جامد واسحب له الموال .....عساك تدوم ياشايب مع الترحال والحلي


ترانا في بلاد القوم ما ننساك يارجال ..........ولا ننسى ترى وقفاتك اللي في البلد ضلي


تحملت الشقى والهم والغربه مع الغربال. ....وتحملت الكلام اللي يجي لي من رفيقن لي


ابصبر والصبر قالوا تراه يطلع الرجال .........أجيكم رافع راسي وبعض الناس متدلي


ابشركم بقى لي وقت والمده شهر شوال ....... والا منه خلص جينا ومعنا الخير مفتلي


بغير رحلتي بدري واجيكم قبل ذاك الفال .......عساها تدوم فرحاتن على الزينات بالكلي


وصلاة الله على احمد عدد ما قد همل همال ........محمد ابن عبد الله سيد الخلق بالكلي


وتقبلوا مني فائق الأحترام والتقدير أخوكم
علي المري
Mohammed Al-Mansouri
12-05-2005, 07:32 AM
صح الله لساانك اخوي علي

وعسى الله يقر عينك بشووفته وشفت من تعزه ان شااااء الله
Ali Almarri
12-05-2005, 07:56 AM
السلام عليكم ورحمة الله وبركاته

مرحبا ومسهلا بك تراحيب المطر أخوي محمد المنصوري
اسفرت وانورت المشاركه بمرورك العطر ....صح بدنك يالغالي ...وجزاك الله خير
على فكره تراك سمي روم ميتي اسمه بعد محمد المنصوري
لا هنت مره ثانيه يابوجاسم

أخوك علي المري
Mohammed Al-Mansouri
12-05-2005, 08:56 AM
وعليكم السلام ورحمة الله وبركاته

مرحبتيين اخوي علي...ترى مب بس الغريب انه روم ميتك سميي
الاغرب انه روم ميتي اسمه على المري بعد.... بس سافر من شهرين بس

سبحان الله :rolleyes:

الله يوفقكم ونلتقى قريب ان شاااء الله

وسلم لي عالسمي

اخوك محمد المنصوري
Tareq Al-Saei
12-05-2005, 05:12 PM
صح لسانك يا علي على هالكلام الطيب ...

والله يحفظ لك الشايب ويقر عينك بشوفته والاهل ان شاء الله ...

عحبتني الابيات وايد ... خاصة انها تربط شقى الغربة برفع راس الاهل ...
الله يوفقك يا خوي ويسر امورك ويردك سالم ان شاء الله

ممكن ملاحظة وحده؟؟؟

البيت الاخير الشطر الاول ... احس وزنه ثقيل شوي ...

يعني لو قلت :
وصلاة الله على أحمد عد ما همل الهمال...

اشوفه أسهل للأذن ...

مادري هاي رأيي ويمكن يصيب ويمكن يخيب ...

وسامحنا على القصور ... ونتمنى نشوف رد الوالد على القصيدة ...

لا تبخل علينا بجديدك

تحياتي
Ali Almarri
12-05-2005, 09:01 PM
السلام عليكم ورحمة الله وبركاته

أخوي محمد المنصوري مرحبا بك ..وسلامك وصل للسمي ...وقال لي يبي أيميلك أذا ما عندك مانع .



أخوي طارق الساعي مرحبا وجزاك الله خير...صح بدنك يالغالي

تسلم لي على الملاحظه ما شاء الله عليك بس عندي وجهة نظر ثانيه وهي اذا كتبته مثل ما انت تفضلت

راح أطلع من السلم الموسيقي للأبيات السابقه ..وأذا حبيت أتعرف الفرق اللي أنا قصدته لما قلت السلم الموسيقي قم بتلحين أي بيت من الأبيات على لحن خاص وغن البيت الأخير مع الأضافه اللي أنت قلت عليها راح تشوف أنك تقف عند كلمه ((عد))بالظبط وهنا طلعت عن السلم الموسيقي وهذا رائي وأنت اخوي العود وأذا عندك ملاحظه نرحب بها يالغالي ..وبيض الله وجهك على المرور الطيب اللي بصراحه أثلج صدري

أخوكم/ علي المري
Mohammed Al-Mansouri
13-05-2005, 07:00 PM
تامر امر اخوي... بس يمكن ما يلقاني هاليومين عالنت لان عندي امتحانات

ودعواااتكم لنا
Ali Almarri
13-05-2005, 07:23 PM
مرحبا بك مره ثانيه يابو جاسم الله يوفقك في أمتحاناتك وجميع أخواني الباقين اللي خارج بلدهم


وترى نبيك تبيض الوجه وتراك راعيها وانا اخوك


بالتوفيق يالغالي وايميلك بيوصل لبو جاسم


أخوك/علي المري
Mohammed Al-Mansouri
13-05-2005, 07:27 PM
مشكور اخوي علي والله يوفقكم ويوفق الجميع ان شااء الله وتسلم مره ثاانيه
Mubarak Al-Marri
14-05-2005, 05:07 PM
اخوي علي

افتخر كل الفخر بوجود شاعر على قدر من المعرفه والشاعريه بمجلس هلي برد

فاتمنى ان لا تحرمنا من المشاركات والمداخلات الجميله والمفيده

تحياتي
Ali Almarri
14-05-2005, 10:28 PM
السلام عليكم ورحمة الله وبركاته

مرحبا بك أخوي مبارك اسعدني مرورك يالغالي ولاهنت على التعقيب


ويامرحبا بك والفخر لي اني اكون واحد من الأعضاء في هذا الموقع


أخوك /علي المري
Hassan Al-Ibrahim
16-05-2005, 04:26 PM
صح لسانك يا علي و يعطيك العافية و يطول لك في عمر الشيبة و يجعلك ذخر له إن شاء الله


ترانا في بلاد القوم ما ننساك يا رجال :: ولا ننسى ترى وقفاتك اللي في البلد ضلي
تحملت الشقى والهم والغربه مع الغربال :: وتحملت الكلام اللي يجي لي من رفيقن لي
ابصبر والصبر قالوا تراه يطلع الرجال :: أجيكم رافع راسي وبعض الناس متدلي
Ali Almarri
17-05-2005, 01:34 PM
مرحبا مليوون يالغالي نورت المشاركه

الظاهر الشباب بيزعلون بس ما اردها في خاطري ومرورك افرح قلبي

خبرك الشباب ما يبوني ارجع المواضيع القديمه بس لعيونك ارد عليك وبيض الله وجهك وصح بدنك يالغالي

الله يطول في عمر شيبانك ويردك لهم سالم غانم ياحسن

أخوك /علي المري