طارئ: جرائد ومواقع تهاجم قطر ......!!

[A.A.Al-Nasser]

السلام عليكم ..


والله ما أعرف وش أكتب.. لكن الدم فاير والقلب محروق والنفس مقهورة........


لما اليوم قلت أتصفح منتديات وجرايد.. وأقرا أخبار طيبة ترفع الراس وتزيدني فخر ببلادي.. وبالصدفة أدخل على موقع يتهجم بشكل مباشر وحقيــــــــــــــــر على قطر وعلى من فيها لعنهم الله وبتهمون قطر بالفساد...

أنا ويش أسوي..... قسماً بالله ماقدرت أكمل قراية مقالة وحدة.. ولا حتي لسته العناوين اللي فيها..

رحت على طول أدور على مواقع الحكومة.. ودي أرسل لهم رسالة خاصة وعاجلة عشان يغلقون هذه المواقع الخطير والدنيئة.. وتعريضها للمحاكمة.. لأن المسألة غير هينة وخطيرة جداً على صورة بلادي وأهلها..

المشكلة إني ما أعرف الجهة اللي أطرش لها الإيميل...

الله يلعنهم في كل كتاب هذول اللي يبون ينشرون الفتنة في قطر..

الله يحفظ هذا البلد آمناً مطمئناً.... اللهم أعز قطر وأعز أهلها واحفظها داراً دار عز وكرم.. لا تهان.. ولا تعادى من الغائرين الحاسدين .. اللهم آمين

انصحوني يا جماعة الخير... أنا مب عارفة شاسوي..

[F.H]

بلغي كيوتل عن طريق هل إيميل : censor@qatar.net.qa

أو اتصلي على رقم : 111

وشي طبيعي راح نلقى ناس تهاجم .. مهما كلامهم كان مستفز ..

.. أحنا أكبر من إن نرد عليهم ..

[Ahmad H. Alajme]

السلام عليكم ورحمه الله وبركاته

الموضوع أكيد مهم وأي مواطن عنده غيره على بلاده بيحس نفس أحساسج .

قبل ما الواحد يفور دمه، كلنا انعرف ان بلادنا وشعبها ولله الحمد سباقه للخير في جميع المجالات الخيريه والتطويريه. وخير قطر سابق اللي برع قبل اللي داخل ولله الحمد.

إذا سمعتي عن موضوع الشباب اللي يحرقون فلوس قطريه، أكتبت عنه الرايه من كم يوم بس.
اول ما نزل الفلم في الyou tub كان اول من علق عليه منتدى للأسهم قطري طبعاً بدون ذكر اسماء وللأسف ما عرفنا اشلون نحذف الفلم من الyou tub

المهم،أي جريده تتكلمين عنها وايش تكلموا عنه بالضبط؟

لانها إذا كانت جريده لها اساس ووزن فنقدر نرد علي الجريده نفسها بأدله وتقارير إلخ تثبت العكس إنشالله وأكيد بيتراجعون عن الخبر ويقدمون اعتذار.

اما إذا كان منتدى وواحد كاتب مقاله او كاتب ما عنده سالفه ويبي اشويه انتباه فهذي النوعيه محد اصلاً يعطيها ويه ولا قيمه ولا اي اهتمام.

اتمنى اعرف اسم الجريده ومن اي بلد ويوم النشر اللي انشرته عن قطر..

[R. Al-Harami]

السلام عليكم ورحمة الله وبركاته

اول شي اشكرج اختي على غيرتج على بلادنا وهذا الشي لازم يتوفر في اي قطري

للاسف الاعلام في الدول المجاورة صرح بأشيا يا انها غلط 100% وتهم باطلة وملفقة او انهم يضيفون على الاخبار الصحيحة اخبار كاذبة من عندهم ..

والله وحاولت اكثر من مرة ارد على هالتهم باللي اقدر عليه سواء بمقال او الدخول في مناقشات .. الخ ..

حتى للاسف بعض الكتاب والصحفيين ما ادري اشلون يسمحون لنفسهم ينزلون الى ما دون المستوى عشان يكتبون مقال هابط ما فيه اي شي من المصداقية او اسس الصحافة والكتابة ..

اختي نصيحة مني يا ما بتشوفين من كلام في الاعلام والمنتديات وناس تقابلينهم ..

بس مثل المثل اللي يقول ( الشجرة المثمرة دوماً ما تقذف بالحجارة) ..

وكلام هؤلاء ما راح يقدم او يأخر .. او راح يزعزع حب وطننا في قلوبنا ..

والحمدلله شعبنا دووم مبيضين الوجه وين ما راحوا ونفس الشي بلادنا مواقفها في المحافل الدولية والعربية نفتخر فيها والتاريخ يشهد على هالشي وهم نفسهم اللي يتكلمون يعرفون هالشي عدل ..

ترى لو ردينا عليهم طبعا ما راح ننزل لمستواهم ونرد عليهم بنفس الشاكله لان الحمدلله اخلاقنا وتربيتنا تمنعنا ان احنا نخوض في هالنوع من المهاترات ..
فكان افضل حل لهالفئة اذا ما قدرنا نرد عليهم بالحسنى الافضل السكوت عنهم لان بيجي يوم وبيتعبون من الصراخ والكلام واثارة الجلبة ..

اكن لج ولكل مواطن قطري غيور كل احترام وتقدير ..

فلك احترامي وتقديري اختي الفاضلة ..

ريـــم الحرمــي ..

[A.A.Al-Nasser]

والله يا جماعة إن الكلام اللي انكتب ماخلاني أنام الليل..

يلـــ... أبو الدناءة اللي فيهم..... والله سب وقذف ما ينسكت عليه... وإشاعات حقيــــــــــــــــــــــــرة ... في حق بلادي والعيلة الحاكمة.. هذا غير إشاعات توطها مع إسرائيل وبن لادن وغيرها..... !!!!!!!!!!!!!!!!!!!!!!!!!!!!!!!


الجريدة أون لاين.. وهي أشكرة سعودية.. راح أتاكد من اسمها الليلة لأنها على اللاب توب مالي... وحاطين سكشن كامل اسمه فساد قطر..... !! !


شنو هــــــــــــــــــــذا..... آآآآآآآآآآآآآآآآآآآآآآآآآآآآآآآآآآآآآآآآآه ..... يا ذا القلب المحروق... قسماً بالله الود ودي أدميه اللي تجرأ على هالكلام..... !!

راح أجرب أطرش لكيوتل على الموقع اللي قلتولي عليه وإن شاء الله يسكرون الموقع عنا على الأقل......!!!!

[Mona Al-Emadi]

بتلاقين مواقع و جرايد و مجلات و غيرهم

مهب ممنوعين بقطر مع انهم يكتبون الأشيا الي ذكرتيها و أردى، و تقدرين تشترينهم من أي مكان بالدوحة

لأن الدولة طالبة هالشي، لأن أحنا نطبق الديمقراطية صح


و لأن انجازاتنا و نجاحاتنا أكبر من أي تراهات تنقال

و الشمس ما تتغطى بغربال

هالحجي قبل كم سنة كان بيخلي ردة فعلي مثلج، الحين خلاص

ثقتنا بنفسنا لازم تخلينا نقرا هالحجي و نضحك عليه و نكمل طريجنا.... أعصابج الغالية حافظي عليها :)

[S.J.A]

أووووه هي جات على هالكم جريده وإلا موقع؟!

مافي جريده تتعرض لقطر كثر عرب تايمز .. تتعرض للكل عموما ولكن بأسلوب أقل مايقال عنه إنه وقح

وحكومتنا مامنعت موقعهم وولا راح تمنع غيره .. وهذا الفعل يختصر كلام وايد يتلخص بهالعباره :

" دع القافله تسير والكلاب تنبح "

وصدقيني أختي الناصر .. لو أي كلام من المذكور صحيح ماكان شفتي المواقع هذي تشتغل عندج

لاتحرقين قلبج وأعصابج لأن مافي شي يستاهل .. هذول ناس حقودين وفاضين عمل

إحنا علينا نحقرهم ونقرى على نفسنا المعوذات


:)

[N . A . AL-KORBI]

السلام عليكم ورحمة الله وبركاته
ماقصرتوا كلكم هاي ديرتنا ولازم نغار عليها والله يديمها فوق ويحميها ربي
حسبي الله ونعم الوكيل عليهم
اللهم انا نعوذ بك من شرورهم واجعلك في نحورهم

[Fahad J. Al-Kuwari]

السلام عليكم ورحمة الله وبركاته

ترى فيه ناس همها زرع الفتن والحديث عن الدول والتنقيص من مكانتها
والمسلم من سلم الناس من لسانه فالمسلم لا بالطعان ولا اللعان ولا........

لكن الحاقدون كثر وبدل ما يقولوا كلمة فيها خير وأصلاح يقولوا كلام الكره
والحقد والغيره ويلعبوا تحت الطاولة باللعيوب ويعيبوا الي قدامهم المكشوف....

المشكلة لو تشوفين المواضيع الي بها سفهاء القوم وبالأصح منافقيهـم
ينبشون في مواضيع تزيد من البغضاء ولا يرون مواضيعهم التي تحت التراب....

زوري هذا الرابط هنا (http://www.hendvoice.com/home/modules.php?name=News&file=article&sid=343)

[A.A.Al-Nasser]

تسلمون أخواني على التعقيب.. بس بعد والله هالكلام ماأقدر أتغاضى عنه واعذروني إذا كل شوي باقعد أعبر عن حرقة دمي... مهما كان الموضوع كبير.. حتى لو كان اللي وراه ما يسوى بيزة في جيب مخروم....

أخوي فهد.. أشكرك على كلامك .. وصج الكلام اللي في الموقع برد قلبي واستانست عليه..
الحمد لله..

صج بلادنا مثل ما قلتوا فيها الخير وهي أسمى من إن احنا نقعد نعقب على خرابيط الحساد وعيال الفتن.. لكن بعد لازم ندور على ردود وحلول لمشاكل مثل هذه..

لأن على هالحال.. كل ما عمرنا شي في بلادنا.. راح تطلع لنا ضباع وكلاب تنهش من ورانا..

[R.A.M]

لطالما تسائلت عن مايمكننا فعله عند قراءتنا لتلك المجلات السياسيه او المواقع الاخباريه التي تقذف دولتنا الحبيبه والغاليه قطر..

وكأن اخبار العالم كلها انتهت ..

عموما كمواطنين اكيد مانسكت.. وكل منا ايسوي اللي عليه..

وانا عن نفسي كل اللي اقدر اسويه اني اطرش للمواقع ايميلات.. بس لاحياه لمن تنادي..

مع اني اذكر في موقع اجنبي استجاب لايميلاتي بس.. بعد ماتصرفوا..

والله تشتتنا .. نحمي وطننا.. ولاديننا.. ولاشبابنا وبناتنا.. الله ايعيين..

وشكرا اختي A.A.Al-Nasser

[Abrar Al-Janahei]

اي نوع من الفساد بالظبط اللي تتهم فيه قطر ؟

[F.R]

مثل ماذكروا الاخوان..
هالكلام مب اول مره نسمعه..!!!

افعالنا وانجازاتنا هي الي اتكلم عنا...^^

مب مثل غيرنا تصريحاتي..والفعل "اخرطي"..

عساج ع القوه..

[Dana Al-Kuwari]

هذي قطر شمسن تحرق الي مب عاجبه وجهنم الحمرا..
وظلال للشيوخ ولي يستاهلون بس

مانقالت من عبث هالجمله ركزوا فيها هههههههههههههههههههههههههاااااي

[Shahen Al-Atiq]

السلام عليكم....



بصراحه الموضوع شدني وقلت لازم اشارك مع اخواني الاعضاء ....


انا اقول ان هذول الناس اعتبرهم ضعاف النفوس اللي يتكلمون عن الدول ويطعنونهم من الظهر

وبما ان قطر الحبيبه تعتبر من الدول المتقدمه علميآ واقتصاديأ لازم يكون هناك حد يكسر اجداف

هذه الدوله ..قـــطـــــــــــــــر طال عمركم مايكسرها حد ولا يهزها مادام قائدنا بومشعل يطول بعمره


واتمنى من اخواني التوفيق والنجاح .......


تحياااااااااااتي لكم

[Dana Al-Kuwari]

^
^

انشهد

يا ناااس احنا محسودين الله يكافينا الشر.