ادخل و وقع ( توقيع جماعي )

[Abrar Al-Janahei]

السلام عليكم ورحمة الله وبركاته

غزة
الكل يعلم ما يعانون من حصار وإبداة

لنقوم جميعا بصيام يوم الخميس القادم 31-1-2008 .. ندعو ونبتهل خصوصا قبل الآذان جميعا
لأهلنا في غزة

سجل اسمك ..

لنقوم بصيام جماعي

عسى الله أن يفك حصارهم


فلنصـــم جميـــــــــعا

http://www.alresalah.net/art/banner_gazza.jpg

[Dana Al-Kuwari]

ايه انشالله معليه

بس شسالفه؟؟
غزه توها من امس محصوره؟؟ من سنيييييييين
شلي صحانا من النوم جذي مره وحده وقلنا بنصوم؟؟

وبعدين عسى ماشر يعني..
بحرب الكويت الغزاويين ماقالوا بنصوم لاهل الكويت والله يفك عنهم الحصاروبندعي لهم..
هم اول ناس قاموا ويا صدام وقالوا له العن قفدهم واذا تقدر اسحب الخليج كله وقاسم ويانا البترول

اصوم لهم بعد؟؟؟ ههه
خير انشالله

انا اتكلم من منطق ... اما العاطفه فا ماتمشي معاي..

[Abrar Al-Janahei]

يا دانه يا حبيبتي .. :)

في حصار صاير على غزة من اسبوع تقريبا ماعندهم أكل ولا كهرب ولا ماي ... اليهود مفكرين يبيدونهم ...

اللي تقولن عنه انهم كانوا مع صدام .. من سنة 1991 لليوم يعني 17 سنه
احن اليوم في 2008 :).. ووايد ناس من اللي قالوا اللي تقولينه .. يكونون متوفين .. في يهال عمرهم شهرين يموتون ..

هالصيام مو لازم الا اذا ما تبين :) .. ماتدرين يمكن الله يفك حصارهم بدعاء طيب منج :)

[Dana Al-Kuwari]

^
^

ياحبيبتي السياسه عمرها ماتموت!!!!!
والا ماكنا شفنا ناقدين وكتاب ومؤرخين يفنون عمرهم لتدوين كل نقطه للتاريخ!!
جان قلنا والله خلاص الحرب العالميه الاولى مرت عليها سنين ويمكن ماتوا ويمكن والسلام عليكم..

والكويت ايام الحرب ماكانوا يهال فالشارع والحاله والحريم وتشردوا وراحوا حدود السعوديه؟؟؟

[Jaber Al-Musallam]

موضوع ممتاز يا ابرار يعطيج العافيه,
هذا افل شي نقدر نسويه.......
وانشالله دعواتنا لهم توصل وانشالله تستجاب.

ودانه لا تكسرين مجاديف المسلمين ترى مابقى عندنا الا مجداف واحد وهو الدعاء

والتبرع زين ياناس, ولو ريال واحد ترى الريال يسوي شي هناك يمكن الشخص الي تبرع فيه مايحس


ويعطيج العافيه على المشوع انا اوقع :)

[Abrar Al-Janahei]

جزاكم الله خير .. صوموا تراها سالفه بسيطه ممكن انها تفك الحصار بإذن الله

يا دانه .. الكويت صار عليها وايد واحنا ما سوينا لها شي .. واهيه دولة عربية مسلمة .. فلسطين بعد دولة عربية مسلمه .. مو مهم اللي يقولونه او يسونه بعض الناس اللي فيها .. معليش خلونا نصووم .. يمكن يكون بداة رجوع القدس لنا ونقدر نصلي فيها بإذن الله


صوموا .. يوم الخميس أغلي الامه بتصوم .. اهمه مل حملة بيتصير خلونا نصوم كلنا

[Khalifa Al-Khulaifi]

المشكله مأقدر اشركج على موضوع واحد مرتين....(,")......... الله يعطيج العافيه.....


وان شاالله يوم لايوم منصلي فالقدس.....

أنا أوقع.....وشكرا

[Abrar Al-Janahei]

جاكم الله خير
وانا بعد صايمه وياكم :)

[Adel Al-Jalham]

ان شاء الله نصوم معاكم وندعي لهم ونتبرع وهذا كله اقل مايمكن فعله من مواقعنا الحاليه

[Omar Al Hazaa]

مشكوره اختي على الموضوع .. الله يعينهم اهل غزه ..

يارب فرج عنهم همومهم وفرح قلوبهم

[F. H. Emadadhi]

جزاك الله خيرا أختي وهذه بادرة طيبة منك
أخواني وأخواتي الدعاء سلاح المؤمن وسهام الليل التي لا تخيب بإذن الله
فالعبد يجب أن يلح بالدعاء حتى يكتب عند الله من الملحين في الدعاء ويستجاب دعاءه
وليكن دعاءنا خالصا لله وحدة ولنصرة إخواننا في فلسطين وفي كل بقاع الأرض
ونحن لا نعلم قد تكون دعوتنا أعظم مقاما ولها أثر فلتكون خالصة وظاهرة من القلب حتى تستجاب ليكن أملنا بالله الواحد القهار كبير وقوي ليكون له أثر في استجابة الدعاء
وعلى كل فرد أن يبدأ بنفسة ولا يرى غيره أو يرى الرأي العام أو السياسة لأنها لن تنفعه يوم لا ينفع مال ولا بنون إلا عمله الصالح
وجزاكم الله خيرا

[Abrar Al-Janahei]

thank all brothers & sisters

i want to remind you about tomorrow :D

so we fast to gether ..

thank you again :)