بينما كنت أقلب قنوات التلفاز..

[H.Mohammed]

بينما كنت أقلب قنوات التلفاز..

لفت نظري برنامج في أحد القنوات الفضائية عن السنة الهجرية الجديدة..
ومن ضمن فواصل هذا البرنامج .. لقاءات عشوائة مع عامة الناس ..
حيث كان السؤال المطروح:

"رتب شهور السنة الهجرية"

الأغلبية العظمى كانت إجاباتهم:

لا لا صعب
والله ماأذكر
نسيت
ماأعرف
مب حافظ

والإجابة الأدهى والأمر:

الصفا والمروة والمحرم..ونسيت الباقي
!!!!!!!!!!!!!!!!!!!!!!!

:c17:

أيعقل أن نكون مسلمين وهذه هي إجاباتنا؟؟

سبحان الله..

في رمضان نسمع المساجد تهتز بدعاء:

اللهم انصرنا .. اللهم انصرنا .. اللهم انصرنا

والناس تؤمن وتفيض أعينها أنهارا من الدمع..

كيف سيأتينا النصر ونحن لانعرف أن نجيب على سؤال كهذا؟



وأخيراً

كل عام وأنتم إلى الله أقرب .. وهمتكم للجنة تكبر

[Sultan Al-Kuwari]

هاي اللي صاير اختي .. قله هم اللي يعرفون الترتيب .. لو المعاش ينزل بالتاريخ العربي جان الكل عرف .. :)

اشكرج على الموضوع ..

[Aljazi Almannai]

السلام عليكم ورحمة الله وبركاته
اختي اشكرج على هالموضوع .. بصراحه جبتيه في الوقت المناسب .. خلني اقولج عن الموقف الي صار معاي

من كم يوم انا ومجموعة طلاب وطالبات من دول الخليج كنا نتناقش عن هذا الموضوع .. دخل علينا طالب وقال مبروك السنه الهجريه الجديده .. طبعا ما اوصف لج شلون ردت الفعل كانت !!!
الاجوبه كالاتي
ها شتقول .. انت من صجك .. لا احتفلنا فيه في لندن آي !! << لاتعلييييييق
بعدين رجع وقال .. اقول لو معاشاتكم تنزل على حسب السنه الهجريه .. جان الحين كلكم حافظين السنه الهجريه.
وتناقشنا عن السنه الهجريه طول وعرض .. وان المسلمين مب نسوا السنه الهجريه وبس .. الا اشياااااااء وايد مهمه بالنسبه للمسلمين.
لاحول ولا قوة الا بالله

اخوي .. صدقت

بالتوفيق للجميع ان شاء الله

[Khalid Al-Salahi]

،، اجداد قبل كانت رواتبهم تنزل بالشهور الهجرية ،،

من فتره مب كبيره ،، تقريبا حولي من 30 الى 40 سنه

تم تحويل انزل الرواتب من السنه الهجرية الى الميلادية

ولدذلك لاسباب اقتصاديه ، وبيوفر على الدوله ملايين

اشلون ؟؟

الرواتب اللحين تنزل بالشهور الميلاديه ،،

الشهور الميلاديه ايامها معروفها ،، يعني

الكل يعرف انه شهر ابريل 30 يوم ،، صح ؟

يعني الرتب بينزل حق 30 يوم بالظبط ،، لابيقل

ولابيزيد ،، لكن ،، الشهور الهجرية ، مانعرف

ساعات 30 وساعات 31 وساعات 29 ،،

فاذا صادفت الشهور الهجرية ،، ب31 بيزيد راتبك

لانك اشتغلت يوم زياده ،،


بعطيكم مثال ،،

انقول شخص يستلم ، 200 ريال باليوم ،،

يعني ،، بالسنه الميلادية = 200 *31* 7(شهور بو 31) + 200 **30* 4(شهوربو 30)+ 200 * 28(فبراير)

= 73000 ريال ،،

بس اذا شهور هجرية ،، ومعظم الشهور الهجرية يتكون 31 وبالباقي 30 تقريبا

= 73800 ،، يعني تقريبا 800 زيادة بالشهور الهجرية بس عشان 4 شهور صاروا 31


وانت قيس عيلها ، مبلغ الراتب ،، وعدد الموظفين ،، وشهر فبراير ،، اللي هو 28 ،،يوفر عليهم ،،

مبلغ كبير

طبعا ملاينين تتوفر،، بهالطريقة >>

>> شكلي بحول ادارة واقتصاد

وقواكم الله ع الطاعة

[M.Al.Ali]

جميل جدا ..
كدينا خير يابوج ..
ترى ماعرف الوم من !! الاهل المجتمع الافراد ؟!ماعرف ؟!
بس اعرف ان اصابع الاتهام موجهة على عدد كبير من الجناة !!

هو كل شي بيد الفرد صدقيني لو الواحد يحس بانتماءه وان يفتخر بالمسلمين
بيعرف هالامور يعني هاي احنا نعرفها من الصف الاول مايبيلها تفطحل بعد ..
بعدين لما يستخدم حاسة النظر بيشوف ان فالرزنامة مكتوبه اسامي الاشهر الهجرية !!
يمكن هم ماعندهم رزنامة .. !

اما االصفا والمروة لووووول شأمر الله عليه متكلم لو ساكت ابرك .. XD
هيه الله يفج عوقه وعوق كل مسلم ..
حلو ان احنا نمشي مع العالم ولا هنا خلاف ولكن ليش ننسى هويتنا لغتنا تاريخنا ديننا ..؟!

حبيت موضوعج وفكرة السؤال المطروح تشير الى كشف امور كبيرة ..

على قولة بن فطيس ..
وحنــــا غفلنـا بين مالذ وطاب
والنصر سيف مايسله الغافلين

.
.

يعطيج العافية وكل عام وانتوا لربكم اقرب ..

[Omar Al Hazaa]

اشكرج اختي على الموضوع الطيب .. انا بعد مب حافض الشهور ويوم كنا فالثنويه كانوا يمشون على التاريخ الميلادي .. يعني روحي كلمي وزارة التربيه والتعليم لأن هالشي واجبهم لازم يعلمون الطلاب

[Abrar Al-Janahei]

السلم عليكم ... جفت هالحلقة اختي الملا .. وأما اجابة الصفا والمروة والمحرم .. كانت حقا حق شر البلية ما يظحك .. ما كان في وسعي الا اني اظحك ..

من مميزات السعودية تتبعهم لتاريخ الهجري .. حتى في وضع تواريخ ميلاد المواليد الجدد ..
وانا هذه السنه عرفت تاريخ ميلادي بالهجري

[Dana Al-Kuwari]

انا صار لي موقف محرج الصراحه...
كنت اسآل عن اثنين فاقدتهم يومين واتصلت فيهم ..

ها وينكم شسالفه ماتبينون؟؟
قالوا هلااااااا دانه شلونج مبروك عليج السنه
قلت له ياخي مفهي؟؟ توك تبارك لي النيو يير طاف وابتدينا الدوام..

قالي لا السنه الهجريه الجديده..
قلت له احلف؟؟ والله مادري

قالي اسمحيلي والله انشغلت عندنا شعائر دينيه خاصه فينا ومحرم وكذا وموت الحسين ابن علي رضي الله عنه ومدري ايش

قلت هااا؟؟
اييه عدل .. طيب كل عام وانت بخير

اكتشفت من هالشي
بان المذهب الي عنده مناسبات معينه فالشهور الهجريه تلاقيه عارف

انزين واحنا ؟؟؟؟؟؟؟؟
خبر خير

هههههههههههههههههههههههههه

للاسف الشديد والله..
يعني وصلنا لدرجه من التعليم وفي يوم بنصير مهندسين واحنا مو عارفين شهورنا الهجريه؟؟؟
يعني هذي وين تنصرف بالله ؟؟

عيب والله عيب.. يعني الحين لو جاني واحد وقالي تموز ولا محرم ولا شعبان ولا آب ولا ذو الحجه
وقالي يا دانه رتبيهم .. شباقول له ؟؟

شفتوا شلون انه عيب :)

[Abrar Al-Janahei]

تموز آب ومحرم وذي القعده مو من نفس النوع

يعني تموز وأب غير عن محرم وشعبان غير عن يناير واكتوبر ... غير عن الصفا والمروه :):)

[Dana Al-Kuwari]

^
^

ماهو هذا المغزى
لما يجيني لبناني ويقولي تموز بدي اعمل هيك..
اقعد اقول يه ..اممممم يعني اي شهر

وفي اب بدي اعمل هيك
انزين اب يعني كم؟؟ خلصونا

نفس الحاله لما اسال اي حد يقولي مثلا العيد في ذو الحجه ولا اي شهر من الشهور الهجريه
على طول اقوله عطني ميلادي الله يخليك :)

انا شخصياً مامشي الا بالميلادي :)