ممكن مساعدة

[Osama Bin Majid]

السلام عليكم ورحمة الله و بركاته


ممكن تعطوني اجوبة من خبرتكم و معرفتكم لجامعة نورث اتلانتك

اول شي نسبتي فالثانوية العامة 71 % قسم علمي

درست اربع شهور فالجامعة الاوربية

طلعت منها ورجعت الدوحة و قاعد ادور جامعة ادرس فيها

نورث اتلانتك عاجبتني بس ابي اعرف شويت اشياء عنها اذا امكن :)










هل الجامعة معترف فيها عالميا ؟



سمعت ان من هالسنة بيكون في بكالوريوس هل صحيح هالكلام ؟



شنو شروط الدخول و التسجيل فالجامعة ؟



هل يوجد فالجامعة انشطة طلابية مثل نادي تصوير او شي كذا او حتى نادي ترفيهي ؟



بصراحة تنصحوني فيها ؟



يصير اسجل فشهر 3 للموسم سنة 2008 ؟



اساتذتها كنديين و هل لغة الدراسة كلها انجليزي ؟

[Mohammed Y Al-Malki]

هل الجامعة معترف فيها عالميا ؟

أخوي هل كليه مب جامعه ومعترف فيها في قطر وكندا
عالمياً مادري والله بس اتوقع انه معترف فيها بحكم انها
كنديه =)

سمعت ان من هالسنة بيكون في بكالوريوس هل صحيح هالكلام ؟

لا الكلام عاري من الصحه =D

شنو شروط الدخول و التسجيل فالجامعة ؟

كليتنا مسئولينها ما يتشرطون وايد وانت مستوفي الشروط بحكم انه مجموعك
71%

هل يوجد فالجامعة انشطة طلابية مثل نادي تصوير او شي كذا او حتى نادي ترفيهي ؟

في انشطه وبين كل فتره وفتره تلقى لهم نشاط واغلب الانشطه تكون ترفيهيه
ورياضيه ..

بصراحة تنصحوني فيها ؟

الصراحه انا مرتاح فيها بس ما اقدر انصحك بشي لانه هذا مستقبلك وقرارك
بس لازم تعرف انه شهادتنا دبلوم ..

يصير اسجل فشهر 3 للموسم سنة 2008 ؟

ممكن بس اتوقع انه السمستر الحالي اللي بيبدا الاسبوع الجاي
بينتهي في شهر 4 يعني ممكن تبدا الدراسه فشهر 5 أو 6

اساتذتها كنديين و هل لغة الدراسة كلها انجليزي ؟

ايه نعم والكادر التدريسي فقمة الاحترام الصراحه =)

[Khalid Al-Qahtani]

السلام عليكم ورحمة الله و بركاته
:)




هل الجامعة معترف فيها عالميا ؟


وعليكم السلام ورحمة الله وبركاته

يا هلا بك اخوي...

شمال الاطلنطي تعتبر كلية مش جامعه لانها تعطي فقط دبلوم...

اما فيما يخص مسألة الاعتراف...

على حسب الجامعة اللي بتعادل فيها الدبلوم...

كمثال على طول يقبل بالجامعات الكنديه...

وبامريكا في بعض الجامعات...

*******

عن نفسي انا خريج كلية شمال الاطلنطي وعندي دبلوم تكنولوجيا معلومات
وعندي قبول من ثلاث جامعات: جامعتين كنديتين وجامعه امريكيه...

وادرس حاليا بامريكا في جامعة ميتشغان التكنولوجيه تخصص ادارة شبكات وانظمة كمبيوتر...

وتم قبول شهادة الدبلوم اللي عندي فيها...

******

نقطه اخيره حاب اوضحها للكل:

كلية شمال الاطلنطي كلية تقنيه قويه...

اللي يبي يقدم على جامعه عقبها يقدم بس يستوفي الشروط كمثال التوفل...الخ..

وثاني شي في طلاب سعوديين خريجين كليات سعوديه وعندهم دبلوم وكلهم كملوه بامريكا مع العلم
دبلوم كلية شمال الاطلنطي اقوى من الدبلوم اللي بكلياتهم...

******

الله يوفقك اخوي...

ودمت بود وعبير الورد...

[Osama Bin Majid]

الله يعطيكم مليون الف عافية و فدتوني من المعلومات اللي عرفتها منكم


الف الف شكرررررررررررر و الله يوفقكم ان شاء الله :)