دكاترة الشمال الأطلنطي

[Muneera Al-Thani]

أنا ان شا الله ببدا في الشمال الأطلنطي شهر 1 تخصصي ان شا الله بزنس...بغيت أسألكم شلون الجامعه؟ مين الدكاتره الزينين؟ مين الي ما اقرب صوبهم؟ تنصحوني بأيش؟ شلون نظامهم؟

ثانكس =)

[Saad Al-Hababi]

مرحبا بج أختي منيره

طبعا مثل ما انتي عارفه الكليه خلط فيها الزين والشين

واكيد المحترم يفرض احترامه

دورت على المواضيع اللي شرحنا فيها لأخوانج وخواتج الطلاب اللي سألوا نفس الاسئله وللأسف مالقيتها ,, يمكن طارت معا تعديل المنتدى ؟؟

الكليه سهله ومب صعبه لو بنقارنها مع جامعه قطر

وماعندنا دكاتره اذا فيه ينعدون على الاصابع

كلهم مدرسين ماعندهم شهادات دكتوراه

سالفه من المدرس الزين ,, كلهم زينيين

اذا بدشين عند مدرس وفبالج فكره انه هاي مايعرف يدرس واسلوبه ماينفع ماراح تفهمين منه

هالكورس عندي مدرسه الكل قال لي احذف ترى تدرسيها مب زين وتعطي واجبات وايد ومن هالكلام

صدقيني اكثر مدرسه ارتحت لها

فالمدرسين يعتمدون على الطلاب

بعض الطلاب عبالهم الكل نفسه فينصح من المدرس الفلاني مب زين وجذيه

الكليه بكبرها دراستها سهله ولكن اهم شي الانتباه فالكلاس والدراسه اول بأول ومب شرط بشكل يومي اقلها مره والا مرتين فالاسبوع

وبالتوفيق ان شاء الله

[Mona Al-Emadi]

اول شي حياج الله و بالتوفيق ان شاء الله


ثانيا بالكليه هم بيعطونج الجداول جاهزة يعني ما في مجال تختارين من الحين، لين عطوج الجدول حطيلنا اسامي المدرسين و ان شاء الله نساعدج

حذف المواد و الاضافه هينين ما يبون شي، بس ان تغيرين مجموعة عشان ما تبين مدرس معين هذي صعبه وايد ما يخلونج تغيرين الا لسبب قاهر

عموما انا الحين بثاني سنه لي و كل المدرسين كانوا ممتازين و الحمدلله، حظي حلو


هم بشكل عام الزين في النظام ان وايد يهتمون بالطلبة، اذا المدرس ما يفهم ممكن تروحين للresource center و هناك مدرسين يفهمونج الي ما قدرتي تفهمينه بالمحاضره


و اذا بخاطرج اي شي سألي لا يردج الا كيبوردج

[A.O.A]

هلا اختي , الاعضاء كفوا ووفوا , واذا تبين اي اسئله حاضرين :)

[Muneera Al-Thani]

تسلمون على الرد =)