أبي مساعده

[fatma.j]

السلام عليكم
الله يخليكم اذا في حد ممكن يساعدني!!!
انا قدمت ابليكيشنز على جامعات بامريكا وطبعا يبوون الشهاده .. انزين الحين انا ضايعه .. مرشدة مدرستنا تقولي سوي لها سكان وطرشي النسخ .. بالمقابل الجامعات يبون الاصل .. ولا انا فاهمه غلط!!!


وفي شي بعد .. الfinancial statement شسالفتها ومتى اقدمها وشلون؟؟؟!!

بلييييييز اذا في حد يقدر يساعدني .. بكون له شاكره:shakehand:

[A.A.J]

شوفي حبوبه انا بجاوبج على الي اعرفه
الشهاده ممكن تصدقينها باللغه الانجليزيه كم نسخه وتطرشين لهم الشهاده المصدقه بالانجليزي(اما الاصل لا )..
اما الشق الثاني من السوال الاخوان والاخوات ممكن يفيدونج
:)

[rashid al-ali]

عليكم السلام اختي...اختي موضوع الشهاده سهل المطلوب انج اتصدقينها بالانجليزي وطرشينها لهم ....اما موضوع الfinancial statement الي هو الضمان المالي ...الضمان المالي يبونه عشان يتاكدون او يضمنون ان فلوس فترة دراستج راح تندفع ...والضمان المالي اذا انتي عندج سبونسر(راعي) لازم تاخذينه منهم واطرشينه ...اما اذا ماعندج سبونسر(رايحه تدرسين على حسابج) فتقدرين اطلعين الضمان من حساب الوالد او اي حد مسؤول عنج ...واتمنى اني ساعدتج وبالتوفيق انشالله:sorrriso:

[J.H.Al-Qahtani]

ماقصرت اخوي العلي

[Issa Alsulaiti]

ماقصروا الأخوان ،،

بس حبيت اضيف شغله صغيره على كلام اخوي راشد العلي ،،

على سالفه الـ الfinancial statement ،، ساعات في جامعات يحددون مبلغ ولازم يكون بالحساب هـ المبلغ او اكثر ،، فـ استفسري منهم عن هـ الشغله ،، ولما تروحين البنك عشان الورقه (الـ financial statement ) في بعضهم مايفهمون الشغله عدل وانا صارت لي ورجعت لهم كذا مره ،، فـ قولي لهم لابد انه يسجلون المبلغ اللي بالحساب بالريال القطري او بالدولار الأمريكي لتسيهل الأمور مع الجامعه.

وبالتوفيق اختي ،،

[rashid al-ali]

اي صح كلام اخوي عيسى ...وانا بقولج شصار معاي لم كنت ابي اطلع الضمان المالي من حساب الوالد ..قالولي الجامعه ان لازم يكون ماعليه ديون >>>مافي قطري ماعليه ديون ...وان اغلبية جامعات امريكا يبون يكون في حسابك اكثر من 40000 ....المهم امس واحد من الربع يقولي ان في طريقه الي هي ان ابوي يفتح حساب يديد في بنك يديد ويحط فيه المبلغ الي يبونه ويطرش لهم الضمان وانا مادري اذا هالطريقه تنفع ولالا ..المهم ان هالحل اذا على حسابج اما اذا على حساب مؤسسه او على حساب اي سبونسر ثاني فهالشي بيكون اسهل ...وانتي استفسري من الجامعه الي تبين اتقدمين عليها وجوفيهم شيطلبون منج بخصوص الضمان ..

[fatma.j]

مشكورين كلكم على ردودكم ..
احنا شهادتنا اصلا انقليزي - عربي واللي فهمته منكم ان المفروض انا اطرشها لكن وحدة من الجامعات تقول:
To be considered official, the high school transcript must be sent directly from the school or submitted in an envelope sealed by the school, and must bear an original signature of a school official and/or an original school seal. Faxed copies are not considered official.[/align
والثانيه تبي شرح لطبيعة المناهج اللي ناخذها في هالحاله شسوي؟

وبالنسبه للضمان المالي ... انا ابي ادرس على حساب المجلس الاعلى .. ويوم سألت وحده من موظفاتهم قالت لي حطي اهلج سبونسر وبعدين احنا بنحولج علينا:surprised1:
والله الصراحه انا خايفه يقطوني على صخر .. هذول ما ينضمنون!!!

ابي مشورتكم .. انا في الانتظار!

[Issa Alsulaiti]

اختي فاطمه ،،

همم بالنسبه للشغله الأولى اللي ذكرتيها عن الشهاده ،، مادري عن الجامعه اللي قدمتي لها ،، بس العاده انه بس تسوين لها scan وترسلينها لهم ولازم تكون بالأنجليزي كامله ولازم يكون مكتوب انه شهاده ثانويه وتكون معتمده ،،

وبالنسبه للشغله الثاني ،، اذا نسبتج 80% وفوق وعندج 530 توفل او 5.5 أيلز يبعثونج عادي ،، لكن اذا النسبه كانت اقل يقولون لج روحي على حسابج ولما تجيبين معدّل هم يحددونه بأول سنه بعدين تقدرين تحولين السبونسر مالج على المجلس الأعلى ،، هذا اللي اعرفه ومادري اذا الأخوان عندهم توضيح اكثر ،،

وحاظرين لأي شي ثاني :)

[Dana Al-Kuwari]

صياغة الضمان المالي بسيطه..

توني من يومين مطلعه واحد وهمي من البنك لولد عمتي..
قالي ماعندي هالمبلغ وانا متوهق ومكتأب والجامعه يبون 35 الف دولار..
قلت له يروح البنك ويقول لهم عندي بضاعه قيمتها 200 الف قطري
وانا ما كذبت.. ابوه عند مراكب واجهزه خرابيط ..
لقط هالفواتير والبنك اعتمدها كضمان مالي وكتب فلان الفلاني الي هو ريل عمتي ومستعد يكفل ولده المستر فلان لحد مايتخرج ورقم الحساب و
و عنده 40 الف دولار تغطيه واسم البنك والبرانش والرقم..
علشان الجامعه تسكت بالمره..

وبعدين الي قال ابوه عنده ديون..
عادي مو لازم يطلعون البارت المظلم هذا :(..

والبنوك واسطه عندنا..
مستعد يطلع لك اورقه فيها ربع مليون وانت مديون بربع مليون :)
ورقه لا راحت ولا جات بسيطه والله.

والمشكله ولي يعور القلب!!!!
ان بعد ما الطالب يتبهدل ويلقط من فلان وتعال اكفلي يا فلان
لا تخاف ترى والله اورقه..
ويسوم ويهه ويطلب فلان فالبنك ويطلب علان..

بعد مايجيب القبول.. تعطيك الهيئه ورقه بالضمان !!!!!!!!!!!!!!!!!!!!

ياشيخ جان عطيتوني اياها من قبل؟؟
اصلاً جذي ولا جذي لا يخافون!! اذا ماجبت القبول ماراح استفيد من الورقه..
ليكون باشتري فيها ارض ولا عماره؟؟


شالنظام العثماني المتخلف..
سووا مثل المثل الي يقول وينك اذنك ؟؟
ويأشر عالبعيده..

[Abdulla Kano]

الشباب ماقصرو بالنسب للـ financial statment
بالنسبه للشهاده اخذي الشهاده وخلي المدرسه يحطونها في ملف ويختمونه وطرشي لهم ,, بيقبلونه ان شالله

بالتوفيق ان شالله

[fatma.j]

السلام عليكم
عز الله انكم ماقصرتو ورايتكم بيضا :_applauso:
اخوي Essa Al-Sulaiti
بسوي اللي قلته وان شاء الله يقبلون
اختي Dana Al-Kuwari ..شكلج محتاله كبيره .. تدخلينهم البحر و تطلعينهم ناشفين مثل مايقولون ..مشكوره على خططج :_risata:
اخوي Abdulla Kano .. المدرسه مناحسين ما يبون يسوون شي .. بسوي سكان وبجرب حظي

هذول الجامعات اللي قدمت عليهم اذا في حد عنده فكره عن طبيعتهم من ( المدينه/ الناس / الدراسه / والقبول اللي طلع عيني :_s: )

تسلمون عساكم عالقوه :)

[fatma.j]

سوري نسيت احط الجامعات من زود الحوسه .. السموحه

-Indiana University (Purdue University)

-North Carolina State University

-University of Utah

-Pepperdine University

-University of South Carolina

[Mubarak..S..AL-Jassim]

السلام عليكم

اول شي شنو التخصص الي تبينه
وكم جبتي فالتوفل

[fatma.j]

اخوي انا حابه ادرس communication - public relation
جبت في التوفل 540 بس بقدمه للمره الثانيه هالاسبوع إن شاء الله

[Mubarak..S..AL-Jassim]

هلا اختي ....

ترى 540 زينه ... انا جبت 540 جامعتي كانت تبي 550 واقبلوني ..

انصحج في penn state او upenn اوdrexel .. لانهم الجامعات الي اعرفهم عدل

اول جامعتين اميريه والثالثه وطنيه