إحصائيات لشباب أمريكا فقط [الأرشيف] - منتدى شبكة الطلبة القطريين

Khalid Alhajri

13-04-2005, 09:27 AM

ياهلا اخوي نايف

أشكرك على المرور .. و ان شاء الله تتخرج و ترد لهلك رافع راسك ..

والله يوفقنا و يوفق الجميع ان شاء الله

لكن انا هدفي من هل موضوع هو ان نعمل أتحاد لطلاب القطرين في امريكا

مثل الأتحاد الكويتي ..
الاتحادالكويتي هاادف ...وهذا الاتحاد ياخذ أراء الشباب و الشابات الكويتين الى يدرسون بأمريكا في تطوير بلادهم

وهل الاتحاد ماصار في يوم وليله ..

والى حاب اوصل له ان نقدر نجمع شباب سواء من امريكا و لاكندا ونبتدي من هل منتدى مسيرتنا لنساعد على تطوير هذا البلد ألأمن ان شاء الله

واتمني أشوف اقبال كبير على هل موضوع

وتقدرون تاخذون نظره على موقع اتحاد الطلبة الكويتيه

www.nuks.org

تقبلو تحياتي

Saoud Al-Baker

21-04-2005, 03:59 PM

أفا عليك يا بوليد كفاية اني معاك :D

خلك مع شباب كندا .. شتبي في شباب امريكا

شكثر ما شاء الله .. بتتعب وانت تعدهم :rolleyes:

Jassim Makki

25-04-2005, 04:29 AM

Hi guys whtas up guys,

I just wana say that I am glad to be in this family, I am fresh in Fort Collins, Colrado.

And I am the ONLY QATARI in Fort collins and the university, Colorado State University ( CSU ), this is my first semester and glad to talk to Qatari Students in the States at last.

And I just wana say Hi and hope that you Accept and Khalied Belive me you are not alone and by the way I was wondering if there is any chance that you are a friend of Salah Al-banai.

Wow that was a very Looooooooooong way to say Hi

So see Yah.

Mohammed Alemadi

30-04-2005, 11:54 PM

السلام عليكم

اخوي خالد انا ايدك في هذا الموضواع واتمن من كل الاخوان يشاركون باقيام اتحاد حق القطرين في
USA

محمد العمادي
واشينطن ديسي

Khalid Alhajri

01-05-2005, 10:30 AM

ياهلا و الله حبيبنا بو عبدالعزيز ..

ياخي شبي في كندا .. أيامي السوده كلها شفتها في ادمنتون لوول .. إذا فانكوفر ماعندي مشاكل ..

على العموم اشكرك حبيبنا الغالي على المرور و الرد

-----------------------

مرحبا بك اخوي جاسم

والله الساعه المباركه الى اتكون ويانا يالغالي ..

وأيه نعم اعرف صالح البناي .. جاني اهنيه في السبرنج بريك

-----------------------------

ياهلا والله بهل دي سي

والله ياخوي انا نزلت هل موضوع من فتره و ماشفت اقبال كبير عليه .. وحاولت قد ماقدر لكن لا حياة لمن تنادي

على العموم مثل هذه المواضيع تحتاج ترتيبات اكبر بكثير .. و ان شاء الله انشد حيلنا

وتقبلو تحياتي

اخوكم خالد الهاجري

Ali Alderham

12-06-2005, 07:40 AM

Ali Andaila

24-07-2005, 08:25 PM

Asalam 3lekom guys ,
I hope every one of you is in a good shape in his/her health and in school, and in every thing insha'alah.
This is my first time to write here because i just dicovered this nice website May allah make it helpful and benefitful to every one of us

..Regarding the numbert of Qataries students in the US , I think we are few comparing to the other people from the Gulf countries. I am here in Kansas and I think there is only one Qatari in another city here in Kansas , So we are only two people in Kansas State

And Thank you brother Khalid for the idea of making a Qatari union in the US, its really nice idea and we can discuss this issue more with more particpations from the other brothers here .

I suggesst we get a list from the embassy of the names of the students and thier addresses so we can contact them by sending them letters of regestrations , but before that we should go ahead and start making our constitution as the first step and it dosn't have to be so perfect for the first draft

.

I want to see the reactions of my brothers here in US and Canada toword this issue

My Best Regards to u all

Ali Andaila

.

Ahmed Al-Salahi

15-08-2005, 06:00 PM

شدعوه بس 5 طلاب في أمريكا؟
وينكم ولا مشغولين
لما كنت في سياتل كنا 17 اكيد في اكثر من 5 في أمريكا
وين California و Texas وايد شباب قطريين ووين خواتنا البنات بسكم دراسه ; )

Abdulla Al-Hay

16-08-2005, 05:25 AM

هلا اخوي خالد
معاك اخوك عبدالله الحاي في دنفر كولورادو صارلي حوالي شهرين وشوي في دنفر
اووووو في عندنا شباب قطرين حوالي اربع اسمع ابهم
اخوكم عبدالله :D

Faisal S. Al-Thani

18-08-2005, 01:05 AM

Salam Alikum
This is Faisal Al-Thani. I have been in California since 1999. I am Inshallah going to graduate this fall. This is my first time to participation on this site. Just to reply on the subject of how many Qatari students in U.S. I believe in California we are 18 students that I am aware of, but in Los Angeles County we are 12 students. I also believe we are more than that amount but there is some where else in California City!!
Best wishes for all of you guys
:) Have a good one

Khalid Alhajri

25-08-2005, 09:17 AM

Hello There

first of all I'm sorry cuz I'm late ... I just arrived from Qatar .. and I would like to thank u guys all for participation .. there r alot of Qataries guys in the US .. anyway .. most of qataries guys r in Cali. so we can arange a meeting in there when every body have a break or so .. we can do alot of activetis and get to know eash other ..
If any of u guys r with me with this idea just post reply and I'll do the math :)

hope to see ya guys soon ...
take care

Ahmed Al-Salahi

29-08-2005, 10:37 PM

Jizakom allah 5air ya shabab
I hope you can organize something that will help you through ur time in the U.S and for the future students. May allah reward you all for this

Hamad Abuqaba

30-08-2005, 05:29 AM

سلام عليكم

اشحالكم؟

اخوكم حمد من بيستبرج!! يارب فيه حد حولي؟

Dana Al-Kuwari

07-09-2005, 09:43 AM

alsalam 3leekm,
this is Ali Alderham from denver,CO. i'm one of the qatari students in the usa since 1999 :(. anyway, i just wanted to say hi to u guys and i'm so sad that i just found about this forum and i'm leaving back home for good in few days, yeah finally. May Alah bless all of. good luck for all guys and girls.
brother Ali Alderham

كلامك كله على عيني وراسي بس لما قلت
since 1999 اخنقتني العبره يا رجل ..

من اروع الدفعات .. آآآخ ليت الزمان يعود يوماً ..
من راحوا وامريكا صايره ملل

ونرجع للاخ احمد ومقولته : وين خواتنا بسكم دراسه
هههههههههههههههههههههه

اي دراسه الله يهديك كفايه انا كسرت القاعده

Ahmad Al-Kubaisi

13-09-2005, 01:16 AM

I raise my hand too .. Qatari stud in Riverside, California.. to all of ya bros and sis wish you a happy Fall Semester Start.

Ibrahim Alkuwari

26-10-2005, 09:41 PM

السلام عليكم ورحمة الله وبركاتة ,,,,
انا اسمي ابراهيم الكواري من طلاب المبتعثين سنة 1998 , وانا الحين اكمل دراستي في جامعة كنتاكي ( امحق ولاية ) وكنت من طلاب كولورادو سابقا وانشاء الله التخرج بعد السبرنق انشاءالله قولو امين

Ahmed Al-Salahi

27-10-2005, 04:38 PM

يا السمي وين باقي شباب كليفورنيا تراكم وايد بس منخشين :D

اخوي ابراهيم لاتنسى KFC والخلطه السريه عندكم في جبل من الجبال :D الله يوفقك وتتخرج على السبرنج

ياهلا والله بشباب امريكا ... حياكم الله في منتداكم وناطرين مشاركاتكم

Dana Al-Kuwari

05-11-2005, 10:51 AM

بووووه يالكواري من 1998 ..

غطيت علي من قلب .. غبرت وانت بامريكا شكلك لفيت الولايات كلها وخذت لك في كل جامعه كورس :D ..

Abdulaziz Ahmed

12-11-2005, 07:13 AM

السلام عليكم

يعطييك العافيه على الموضوع اخوي ... احنا ثلاث شباب قطريين في كنتاكي ... الشباب بيتخرجون قريب جدا يعني اذا مب في هالسمستر السمستر اللي وراه ... وبتم انا والردنكز :]

على كل حال الله يوفق الجميع انشالله ... وانشالله نشوف ردود اكثر :)

J.H.Al-Qahtani

20-04-2006, 08:51 AM

السلام عليكم ورحمة الله وبركاته...

الصراحة..انا كنت ناويه احط موضوع عن عدد الطلاب بامريكا...بس قلت خلني انبش في المواضيع القديمة يمكن حد تطرق لهذا الموضوع ..والحمد لله حصلته....
انا ادرس بكولورادوا ببولدر وجيت امريكا من ثمان شهور وان شاء الله التخرج السنه الجايه ب2007 شهر مايو..إذا مشينا على الخطه...

انا معاي كذا بنت قطريه بس ان شاء الله بيتخرجون هالسمستر وماراح يبقى إلا انا ووحدة...وانا ماادري إذا في قطريين ببولدر وإلا لا...بس سمعت أنه في واحد....وان الباقي بدنفر...بس ماادري إذا فيه وإلا لا....
انا عاجبتني فكرة الأتحاد القطري بامريكا وياريت يكون تحت إشراف شبكة قطريز......وياريت بعد لو سوينا دليل بإيميلاتنا وباماكن دراستنا بالضبط.. للطلاب اللي ناويين يجوون يدرسون بأمريكا....او للي يبي مساعدة باي شي...
..
وانا صراحة اقترح انا احنا انتجمع بنهاية شهر ثمانيه او بالفال بريك في واشنطن دي سي...مع السفارة....علشان نقدر نتكلم معاهم والطلاب الجدد او الطلاب اللي مايدرون عن السفارة بشي..تكون فرصة لهم للقاء السفارة و لطرح المشاكل والأسئله.....وبالمرة نسوي انتخابات للأتحاد الطلبه القطرين (إذا صار في إتحاد)....

والله انا عندي مليون اقتراح وما راح يخلصون...

احنا نبي نعين ونعاون......الغربه يمكن تكون صعبة على البعض و يمكن تكون سهله...وانا عن نفسي..ماابي اي احد يتغربل بغربته....علشان كذا اللي يبي مساعدة سواء كان ولد او بنت..ترانا حاضرين....وماراح اقصر ان شاء الله مع اي احد...

"ياريت اقتراحاتي تؤخذ بعين الأعتبار" وعلى فكرة الكويتين..تجمعوا بدنفر من كذا اسبوع مادري من شهر علشان يحتفلون بعيد الإستقلال...ايش رايكم نسوي شي لهذا اليوم.....؟؟؟

اختكم جوهرة قطر

Mohammed Al-Mousawi

20-04-2006, 09:19 AM

والله ياريت...

احنا 3 في PennState

مادري عن باقي بنسلفينيا

وانا كلمت واحد عن سالفة اتحاد الطلاب القطريين

وقالي ان في شباب مكلمين الوزارة من قبل...بس الوزارة ارفضت الاقتراح..!!

J.H.Al-Qahtani

20-04-2006, 09:28 AM

بس الحين ماعندنا وزارة...الهيئة موجودة والشبكة موجودة..واعتقد ان الشبكة مالها علاقة بالهيئة؟؟؟ نقدر نسوي الأتحاد من غير مااندخل الوزارة...علشان نخل طلاب كيوبي و المبتعثين من شركات و وزارات ثانيه انهم يشتركون...ونقدر ندور لنا سبونسر...ياما من الشبكة او نكلم الشيخ حمد او الشيخة موزة الله يطول بعمرهم...ونقدر نكلم السفارة انهم يساعدونا...ترى الموضوع بيسهل لو تحمسنا كلنا وتساعدنا ..والله بيسرها ان شاء الله...

خلنا متفائلين....

Ahmed Al-Salahi

20-04-2006, 11:25 AM

السلام عليكم

في لابداية احب اشكر اخواني واخواتي اللي يبغون يطورون في العمل الطلابي في امريكا وبالفعل كوني تخرجت من امريكا وعانيت من عدم وجود عمل طلابي يجمع القطريين بشكل خاص في الولايات المتحدة. اخوانا احنا في الدوحة ومتى مارجعتوا نقدر نتكلم عن اقامة عمل طلابي يجمع الطلاب القطريين في الخارج تحت مظلة قطريز او اي مظلة شرعية ممكن تساعدنا في انا نرتقي بالعمل الطلابي ونساعد ااخوانا وخواتنا في الولايات المتحدة.
واحنا في الشبكة نرحب بافكاركم واقتراحاتكم واحنا فاتحين المجال للكل ان ايشارك ويمكن انتو ما تعرفون ان في فروع للشبكة في داخل الدولة ( جامعة قطر و المدينة التعليمية و رابطة المتخرجين و نادي الطلبة المستجدين ) وفي خارج الدولة ( نادي قطريز في ليدز البريطانيه و نادي قطريز في استراليا )

بذلك الفكره تم تنفيذها في بلدان خارج قطر وبنكون في اتم استعداد ان احنا نكمل المشوار مع تأسيس اتحاد يجمع الطلبة القطريين في الولايات المتحدة تحت اسم شبكة الطلبة القطريين

في الختام انا اقول اللي عنده اقتراحات او استشارات او تواجدتوا في الدوحة في اي وقت خبرونا وهذا ايميلي اذا ودكم ترسلون لي مسج بخصوص هذا الموضوع وانا في اتم الاستعداد اني ارفع توصياتكم الى المسؤولين في الشبكة ونجتمع في الدوحة ونتناقش في الموضوع

يعطيكم العافية

احمد عبدالله الصلاحي
مشرف قسم امريكا الشمالية
شبكة الطلبة القطريين
aal_salahi@hotmail.com

J.H.Al-Qahtani

20-04-2006, 02:43 PM

بما انها صعبة انه نجمع كل واحد..ليش مانسوى استفتاء بموعد رجوع الطلاب من امريكا لقطر ومن خلاله يتم تحديد موعد للقاء والنقاش..وخلال هذي الفترة نقدر اناقش الموضوع مع الشبكة ونشوف إذا كان في قبول وإلا لا او التعرف علىالمهام اللي يقوم بها نادي قطريز في الدول الآخرى ....قصدي انه نسوي شي من الحين لين يوم اللقاء إذا تم تحديد يوم...بحيث انه يبقى بس اناقش من الاعضاء...والخ....

نبي نسابق الوقت بحيث يكون في وحدة طلابيه على بدايه السنه الجايه...

اختكم
جوهرة قطر

J.H.Al-Qahtani

20-04-2006, 04:13 PM

ياريت اخوانا واخواتنا يشاركونا بأرائهم...

علىالأقل أذا انتوا مع او ضد الموضوع.....

جزاكم الله خير...

Hassan Alemadi

21-04-2006, 12:47 AM

السلام عليكم ورحمة الله وبركاته ..

مادري شكل الموضوع قديم :)
المهم معاكم حسن العمادي من واشنطن دي سي ..

والصراحه قريت معظم الردود ومنها استنتجت ان ولايتنا ممكن تكون هي اكثر ولايه فيها طلاب قطريين .. فيها مايقارب ال 17 طالب وطالبه .. وميرلاند 35 دقيقه من ولايتنا فيها 13 طالب قطري
يعني تقريبا 30 طالب وطالبه , والله اعلم اذا في اكثر

ولنا عوده ان شاءالله :)

J.H.Al-Qahtani

21-04-2006, 02:04 AM

ماشاء الله..الله يزيد ويبارك....
انزين اخوي.حسن..ياريت لو تجاوب على الإستفتاء وتعطينا رايك عن فكرة الأتحاد الطلابي القطري.. ....

ملاحظة للكل:
....انا لاحظت انه معظم الطلاب يبون يكون فيه وحدة طلابيه.من خلال المواضيع الموجودة بفريج امريكا الشماليه....بس ماقد شفت انه احد ركض وراء الفكرة....كله كلام بكلام........خلونا ناخذ خطوة. للأمام......وياريت الكل يشارك....خلونا نفيد بلدنا ونفيد المستقبل والطلاب الجدد...

اختكم
جوهرة قطر

Mohammed Al-Mousawi

21-04-2006, 02:11 AM

اخوي حسن..

احنا 3 ساعات عنكم

وعندنا 3 طلاب

يعني صرنا 33 طالب ممكن نتجمع :)

Hamad Abuqaba

24-04-2006, 03:46 AM

قبل كل شي ,اشكر كل من له نيه صادقة في لم شمل هل قطر في امريكا.

انا كنت واصل مرحلة فقدت الامل فيها من اي تجمع طلابي , لكن عقب الي قريته اليوم انشالله في امل دام فيه حد له نيه يسعى لحد ما ربي يسهل.

عندنا في بيتسبرج 4 طلبه, و 3 علاج. يعني زيدوا عندكم 7 من بيتسبرج بنسلفانيا.

انا وشباب بيتسبرج زرنا سفارة قطر في نص شهر مارس وقابلنا المحلق الطبي حمد الدوسري والملحق الثقافي ناصر السعدي وشباب القنصلية والصراحة لقينا ترحيب وحفاوه وماقصروا. انا استغليت الفرصة وسالت الملحق الثقافي عن عدد الطلبه القطرين في امريكا وقالي انهم حوالي 300 طالب تقريبا.

في نظري ان مسؤوليات الملحقية الثقافيه كثيره ومانبي نزيد الضغط عليهم اكثر.

فلا بد من جهه تدعم اتحاد للطلبة القطريين ماديا وتنظيمياً.

احنا ممكن نقيم الاتحاد ونبدا بالخطوة الاولي بمجهودنا الفردي بحيث انه يكون بينا "على الاقل" اتصال, نحدد لنا اهداف تفرض قضيتنا على اصحاب القرار. يعني على الاقل نبدا بـ ميلنج ليست او شي رمزي ومنه نبدا نطلب الدعم المالي والتنظمي من جميع الهيئات والمؤسسات القطريه, واحتمال كبير انه يصير عندنا اكثر من سبونسر واحد.

ومتى ما اتفقنا على شي معين "فسنلقى من امرنا رشداً"

على فكره انا مب كاتب هالاكلام وبس , انا تحت امر اي حد منكم ومستعد للي تشوفونه بقدر استطاعتي.

بخصوصكم ياهل ستيت كولج تراكم مانتم بعيدين عن بيتسبرج وياليت يكون بينا اتصال.

وتسلمون

حمد ابوقبا

Mohammed Al-Mousawi

24-04-2006, 05:21 AM

ياهلا والله اخوي حمد..

حيالله اهل بتسبيرج

والله مادري شقول

انا ناوي اتفرغ حق هالموضوع لكن عقب الفاينل وييك

لكن حلو نشوف "التفاعل" رغم انه "بطيء"

تحياتي للجميع

Ahmed Al-Salahi

24-04-2006, 05:55 AM

يعطيكم العافيه شباب وان شاء الله الفكره تصبح حقيقه في اسرع وقت ممكن وانا مستعد وجاهز
وباحط موضوع فيه الاشياء الي ممكن انسويها في الفتره الحالية

Abdulla I AL-Malki

24-04-2006, 08:51 AM

وانا في يوتا.....
ومجموعنا 12 طالب قطري:D

J.H.Al-Qahtani

24-04-2006, 09:45 AM

السلام عليكم....

ماشاء الله..الله يزيد ويبارك..ويجعلكم ذخر لقطر وللأهلكم....

ومثل ماقل اخوي محمد ..حلو انه نشوف تفاعل حتى لو كان بطئ ....

ياريت اخوانا يجاوبون على الأستفتاء علشان نقدر نحدد يوم للتجمع خلال الإجازة...
انا حطيت موضوع بمقعد الحريم اسال فيه البنات عن رايهم بالأتحاد وإذا كانت لهم نيه انهم يساعدون....بس محد علق..فياريت الأخوات انهم يساعدونا علشان نقدر نساعدهم ونساعد الكل...

وجزاكم الله خير...

أختكم
جزهرة قطر

Ahmed Al-Salahi

24-04-2006, 11:17 AM

يعطيكم العافيه شباب وبنات ويامرحبا بك اخوي عبدالله في منتداك

شباب نبغي كل الشباب والبنات ايسجلون في المنتدى علشان نتواصل عن طريق المنتدى كخطوه اولى

ياللا همتكم ياشباب ويا بنات

J.H.Al-Qahtani

27-04-2006, 08:13 AM

i have tried with some people to sign up in this fourm...but nothing happened..enshallah ...they will sign up soon...

so, What is the next step.???

i am really so excited and rush about having this union..

ur sis
Qatar's jewel

Mohammed Al-Mousawi

27-04-2006, 08:56 AM

^ ^ ^

والله النكست ستيب بعد الفاينلز الاسبوع الجاي

موفقين جميعاً :)

Ahmed Al-Salahi

27-04-2006, 09:11 AM

انتو شتبون النادي في امريكا يسوي؟ يعني انتو ليش تبغون النادي .. فكروا في هالسؤال ولو كل واحد ايحط شيبغي من النادي بنعرف ان شاء الله شنو هدفنا من النادي

هذي الخطوه الثانية ولاتنسون اتكلمون الطلاب ايسجلون في المنتدى ويشاركونا النقاش لان اكيد في طلاب كثار بيرحبون بالفكرة

J.H.Al-Qahtani

28-04-2006, 09:34 AM

السلام عليكم...
ردا على سؤالك اخوي احمد:
انا عن نفسي..ابي النادي يكون مركز اتحاد الطلبه.... على الأقل الطلاب اللي في نفس الولاية يعرفون بعض...بحيث لو صار شي او الواحد منا احتاج شي..يعرف وين يروح.....خاصة للطلاب الجدد..على الأقل حد يساعدهم ..بدل مايتوهقون في اي شي ...
ولو صار في اي نشاط عن قطر او أحتفال ..الكل يقدر يشارك......ونقدر احنا نقوم بأنشطة للطلاب..نقدر نسوي تجمع بعيد الفطر..بأي ولاية ونسوي انشطة منفصلة للشباب والبنات بحيث الكل يشارك....

سؤال: النوادي الثانيه بقطريز شتسوي بالعادة..؟؟؟

هاذي الأفكار اللي عندي.....يمكن تكون عادية و سطحية..بس ابي يكون عندنا وحدة مثل اخوانا الكويتين... وحده ماتهزها ريح..

اختكم
جوهرة قطر

Dana Al-Kuwari

28-04-2006, 10:06 AM

السلام عليكم ورحمة الله وبركاته..
واهلين وسهلين بالجميع..

اول شي اقول لكم الله يوفقكم فالاتحاد الي بتسوونه..

بس......

مافضل يكون عندنا تجمع بامريكا.. لان بتصير اشيا سلبيه وايد واكبر دليل على هذا لندن.. :)

انواع الزحمه والعرب بروحنا شارديين من هناك..

ميزة امريكا كبيره والعرب ضايعيين فيها.. وفوق هذا الاي ان اس مب مخلينا في حالنا..
بعد تبون تجمعونا علشان يطبون علينا بالجمله عاد.. :confused:

انا ماعرف شنو اساس الاتحاد.. اذا كان بيخدم الطالب.. فا ليش لا.. ويعطيكم الصحه..

Ahmed Al-Salahi

28-04-2006, 10:15 AM

اختي دانه ياهلا ومرحبا بكم مره ثانيه
والحمدلله على السلامه
ونرحب برجوعكم لمنتداكم

اختي دانه
احنا ما نبغي اتحاد ... بس نادي ... ترا المسمى كنادي ايكون احسن
بالنسبه له هو بيكون للطالب ولاتقارنون اللي بيصير بالنوادي الثانيه في الدول الخليجيه مثل الاتحاد الكويتي والاتحاد السعودي ... احنا نبغي طلاب يجتمعون مع بعض ايسوون انشطه للطلاب وايكون لهم صوت عند المسؤولين

واحنا كخريجين او طلبه صار لنا فتره في امريكا بنساعدهم في تأسيس هذا النادي من خبرتنا والفتره اليي عشنا فيها في الولايات المتحده والله ايعين ان شاء الله

هذا ويعطيكم العافيه

Dana Al-Kuwari

28-04-2006, 10:35 AM

مرحبا بالبطل احمد..
ويا سلام على اسلوبك من يومه مميز..

بس بغيت اضيف شغله ان فالولايه الوحده الطلاب والطالبات يعرفون بعضهم زين اما زين ولنا اتصالات بالطلاب الي فالوست كوست وتقريبا في تجمعات اسبوعيه غير السبرنغ والكرسمس.. وهذا المفروض..

بس كنادي في بلاد قاره؟؟ صعبه شوي.. واذا تجمعنا مره فالسنه بيكون انجاز.. لان انت عارف ظروف ال F-1

استغرب منا كعرب.. ايام السهالات فالفيزا ولا في قيود.. ماسوينا هالاشيا.. ولما اصطكت فكرنا :)

يعني انا مثلا اذا باروح تجمع في واشنطن؟؟ باسير عالدوحه بالمره.. والسبب المسافه الي قطعتها :D

في فكره محتمله ومادري اذا تنفع....
انه يكون ياطويل العمر عالاقل 3 نوادي رئيسيه بامريكا
واحد فالايست كوست عند ربعنا بواشنطن .. والثاني عندنا او في سياتل..

ويتقسمون الطلاب فيها والمسافه تكون مش بطاله..

J.H.Al-Qahtani

04-05-2006, 09:05 AM

السلام عليكم...

اول شي...انا احبذ انسمي النادي باسم نادي اتحاد الطلبة القطريين..ابي كلمة اتحاد تكون موجودة ..لانه مثل ماقالت اختي دانه..احنا في قارة..وصعبة انتجمع...بس إذا اتحد الطلاب من جميع الولايات..صدقوني نادي الإتحاد القطري( خلاص سميته.. :D..راح ينولد للحياة....

ثاني شي.....احنا ليش نحكم على شي بالفشل بس لانه بعض النوادي "بشكل عام" فشلت في توصيل رسالتها...الواحد يتعلم من اخطاء السابقين..واخطائه بعد؟.. ماشاء الله انا اشوف رابطة جامعة قطر والخريجين..رابطة ناجحة....العلماء ياما فشلوا او اخطاؤا في تجاربهم...لين ما ظهرت النتيجة المطلوب تحقيقها...
وان شاء الله راح ننجح

ثالث شي: بعض الطلبه مايعرفون احد من القطريين او القطرييات ..سواء بنفس الولايه او بغيرها...والهدف من الأتحاد (ان شاء الله)...انه نعرف الطلاب ببعض..علشان الغربه وامور الحياه تسهل..وكلن يساعد الثاني في الأمور الدراسية على سبيل المثال...

رابع شي.: تحديد مكان التجمع ليما الحين بدرى عليها...خلونا نأسس نادي اتحاد القطريين ( فيه شبه من نادي الأتحاد بقطر)ههه......وبعدين يصير خير...

اسفة على الإطاله..

ملاحظة: ماشاء الله من خلال الردود على هذا الموضوع اكتشفنا انه فيه حوالي 300 طالب قطري موجود بمريكا ....بس محد رد على الإستفتاء اللي حاطة اخوي محمد إلا خمس ماادري ست...يعني ولا اقل من 5% اللي ردوا...

والله يعطيكم العافيه...
اختكم
جوهرة قطر

Hassan Alemadi

04-05-2006, 08:25 PM

السلام عليكم ..
طلاب , طالبات , شلونكم وشخباركم , عساكم طيبين ومسويين (اوكي ) في الامتحانات ولا ليحين مابديتوا :)

ندخل في صلب الموضوع .. اولا سوري عالتاخير في الرد لكن حصلت لي ظروف منعتني من الدخول ..

المهم .. تبون الصراحه احنا (عدد من الطلاب ) حاولنا نسوي اتحاد طلابي , واتجمعنا بعدد مايقارب ال 20 طالب من اصل يمكن 35 طالب (يعني 15 ماحضروا) , وكان التجمع في بيت واحد من الشباب في قطر , لكن تبون الصراحه تكلمنا وتكلمنا وتكلمنا وعورنا بلاعيمنا وماشفنا اي ردة فعل ساره من الطلاب , واذكر كان سؤال ينطرح في الجلسه اكثر من مره :
* تبون ياشباب اتحاد طلابي في امريكا ؟
وكان الرد : اي نعم نبي .
كنت اقول ياشباب الاتحاد ماراح يكون لي بروحي ولا لربعي بس , الاتحاد بشكل مبسط عباره عن اتحاد الطلاب في امريكا يعني عالاقل في تعاون ولو (معنوي) في البدايه , يعني بما معناه الطالب لازم يبين اهتمامه في الموضوع, لأني اذا شفت اهتمام الطلاب في الموضوع بيعطيني حافز اني اواصل (هالتعب ) الصراحه :) . احنا كنا ثنين او ثلاث ونراكض ورى 50 شخص .. تبون الصراحه اتعب حاجه في الاتحاد هو تجمع الطلاب ..
الي بيصير حق التجمع هو ارسال ايميلات للطلاب لأن ماعندنا وسيلة اتصال غيرها .. و وقت الجد ال 100 طالب الي اتفقتوا معاهم على التجمع مابنشوف غير 40 منهم ويمكن اقل ..

عالعموم اسمحولي يالنقد , او تقدرون تسمونه فضفضه :)
لكن اذا بتخطون اي خطوه احسبوا حسابي وانا في الخدمه لأي شي :)
حسن العمادي , من امام السفاره القطريه , واشنطن دي سي :D

J.H.Al-Qahtani

05-05-2006, 07:07 AM

السلام عليكم...
حياك الله اخوي العمادي بين اخوانك وخواتك...

الصراحة اسعدتني محاولاتك في تكوين اتحاد...هذا يدل على الهمه العاليه..ويشرفنا إن نكمل المشوار بمساعدتك.....وحياك الله معانا...

ياريت اخوي يذكر في اي ولايه يدرس وكم عدد الطلاب اللي معاه بنفس الولايه او في الولايات الأخرى؟ هل الطلاب اللي اجتمعت معاهم بقطر..كلهم يدرسون بأمريكا؟؟؟ ياريت والله لو يسجلون بالموقع و يفيدونا بأرائهم..
ياريت أخوي لو تقول لنابعد عن الأهداف اللي كان من أجلها فكرتوا بالإتحاد؟؟
تعليق على سؤالك للشباب إذا كانوا يبون إتحاد وإلا لا...كلن بيقول نبي..بس السؤال هو : من اللي عنده إستعداد في انه ينظم للأتحاد و يشارك في تكوين الأتحاد ويكون عضو فعال...؟؟؟..
وجزاك الله الف خير,,على تعبك...

وحياك الله معانا مرة ثانيه

اختك:
جوهرة قطر

Hamad Abuqaba

04-06-2006, 10:08 AM

وكالعاده!!

التاريخ يعيد نفسه!!

وين الصملة؟؟

وين الي بيتفرغون للموضوع؟؟

وينكم يالمتحمسين؟؟ اشوفكم لاحس ولا خبر؟؟

فيه اتحاد ولا اروح اغسل هدومي ابرك؟؟

J.H.Al-Qahtani

05-06-2006, 02:17 AM

اهلين اخوي حمد...

للأسف شكله الموضوع نام..انا والله حاولت ليما راح صوتي...وتعبت يديني من الكتابه.....واخوي احمد ماقصر...حط استفتاء بس شوي اللي ردوا.....ومحد راضي..يسوي شي...البعض ماله خلق يشتغل والبعض يبي الشغل على شخص واحد..كلن لاهي بدنياه...

للأسف كلن يقول متحمس بس القول غير عن الفعل.....
الله كريم....

اسعدني حماسك اخوي....وان شاء الله النادي راح يصير حقيقة مو بس موضوع بمنتدى...

ياريت اخوي لو ترد على الإستفتاء في حاله اذا مارديت..وان شاء الله ..الله بيسرها..إذا كل ال 300 طالب تعاونوا....** بيصير حلم تكوين النادي مثل الحلم في اوبريت الحلم العربي""""

اختك جوهرة...

Hamad Abuqaba

05-06-2006, 11:01 AM

اختي JHA

الاستفتاء كان متى بترد للدوحه. وبالنسبه لي انا صار لي 3 سنين مارديت ومارح ارد لحد ما اتخرج ,والسبه مشاكل الامقريشن, وهذا سبب عدم مشاركتي.

اشكر كل جهد بذل في هذا الموضوع. انا هنا تشددت لشحذ الهمم وليس للانقاص من مجهود اي احد.

ومن ناحية الاتحاد ترى بعدنا فيها, وانا عندي اقتراحات,

بما ان كل واحد منا يعرف بالكثير حوالى 10 قطريين بس وبسبب صعوبة الوصول الى بقية الطلبه. اقترح اننا نكتب كتاب باسمنا جميعا "المتحمسين للموضوع في هالمنتدى" ونرفعه الى الملحق الثقافي ونطلب في الكتاب السماح لنا بالاتصال باخوانا الطلبه وتزودينا بعناوينهم وارقامهم وايميلاتهم.

في حاله حصولنا على هالمعلومات ممكن نتواصل مع اي طالب قطري في كل امريكا.

اقترح ايضا انا نسوي ميلنج ليست"قائمه بريديه" نكون احنا اول الاعضاء فيها ونبداء منها كأول شئ يجمعنا. كذلك اقترح اننا نحدد مجموعه اهداف للاتحاد, ونسوي خطه مؤقته.

كذلك حبيت اقولكم ان موضوع التمويل المالي مب ضروري , مع اني متأكد اننا بنحصل عليه من الحكومه لوتحركنا وبدينا واسسنا شي نستند عليه لان مافيه اي شي يمنعنا من الحصول على تمويل من الحكومه لان اعز شي عند حكومتنا هو شبابها ومستحيل يذخرون علينا شي. وحتى لو تأخر التمويل الحكومي نقدر نبدأ بتبرعات الطلاب, يعني لو كل طالب تبرع بـ 50 دولار في الشهر ممكن نجمع مبلغ 15000 دولار في الشهر وفي اول سنه ممكن نجمع 180000 دولار فقد من تبرعات 300 طالب بس.

ميزة ان واحد منا يكون من مؤسسين اتحاد الطلبه في امريكا شي مب سهل, يعني لوكان حد منا من المؤسسين فسيضل اسمه راسخ في تاريخ الاتحاد وسيكرم في كل مناسبه. وانتوو تستاهلون التكريم والتميز

نبي تفاؤل واستعداد للعمل.

انا مستعد ابداء من الحين في تنفيذ اي مقترح من مقترحاتي او مقترحاتكم.

بس انتوو أمروا

وسلامتكم

Mohammed Al-Mousawi

06-06-2006, 06:09 AM

مرحبا شباب...

انشالله راح يكون في شي بداية الـ Fall

كلمت اخوي احمد الصلاحي..وانشالله فالدوحه راح يكون في تجمع لكم شخص و بيتم فيه مناقشة كافة الامور اللي تخص تجمعات الطلاب القطريين فامريكا.

عن نفسيي...حاط هدف ان اكلم على الاقل نص الشباب القطريين اللي يدرسون فشمال امريكا (بنسلفينيا،نيويورك،واشنطن،واللي حولينهم)...وانشالله ننظم مع بعض تجمع ولو صغير.

تحياتي لكم

J.H.Al-Qahtani

06-06-2006, 07:52 AM

salam..i will reply soon...
Qatar's jewel

J.H.Al-Qahtani

08-06-2006, 01:21 AM

السلام عليكم......
انا معاك اخوي حمد في فكرة العريضة ....بس يمكن راح ننتهك خصوصية بعض الأخوان والأخوات..لأن البعض مايبي يشارك...ومايبي حد يدري عنه...الخ من الأعذار....
احسن شي الواحد يبلط في المطار ويراقب الرحلات..اي حد يجي من امريكا نصيده ونختطفة......زههههه...

اخوي محمد قال انه بيصير تجمع عند اخوي احمد ...ان اقول لو اخوي احمد يقدر يحدد يوم للإجتماع ويعلن في الموقع..علشان كلن يحضرومحد يقول انه تحدد الإجتماع ومحد قالي ... ( هذا إذا قدر)....ونشوف ايش راح يصير....

Ahmed Al-Salahi

08-06-2006, 06:06 AM

افا عليكم ان شاء الله الاجتماع بيصير
بس انتو اتفقوا على شهر محدد

انا اشوف شهر اغسطس زين
يعني 5-8-2006 زين؟ قولوا لي ايش رايكم؟

واللي بيجي قبل بنقعد معاه وبنسولف كلنا
بس الاوفيشل هو 5-8-2006 اذا يناسبكم

يعطيكم العافيه على التفاعل وبارك الله فيكم

Mohammed Al-Mousawi

08-06-2006, 07:33 AM

لله يعافيك اخوي احمد...

انشالله انا 23/6 بعد اسبوعين بالضبط بوصل

والتاريخ مناسب صراحه..تقريباً الكل موجود بعد السمر 2

واكيد بنلتقي قبل انشالله

تحياتي لك

J.H.Al-Qahtani

08-06-2006, 08:21 AM

الجمعة شبابيه بس؟؟؟
يريت اخوي احمد لو تقول وين بيكون اللقاء.......

Ahmed Al-Salahi

08-06-2006, 01:12 PM

الا مب بس شبابيه
خواتنا البنات لو بيجون حياهم الله
ولهذا السبب بتكون في المدينه التعليميه

اخوي محمد توصل بالسلامه ولاتحاتي بنشوفك قبل

J.H.Al-Qahtani

08-06-2006, 06:10 PM

انا ودي احضر..بس للآسف تاريخ 5 اغسطس بكون بأمريكا ..وانا برد الدوحة بأذن الله بتاريخ 13....:(

ان شاء الله البنات بيحضرون.....

اخوي احمد ..حابين انساعدك؟ long-distance help
الله يوفقك....

ا

Hassan Alemadi

10-06-2006, 06:21 PM

الاجواء الصراحه مستتبه في واشنطن دي سي والجو عندنا ربيع , وشكلها رجعتي للدوحه بتتكنسل ومابيهنا لنا حضور الاجتماع الجميل .. لظروف دراسيه حرجه ..

واذا فيه امل ارجع فبتكون الرجعه نص شهر 8 يعني بعععد ماراح احلق عالاجتماع ...

الله يوفقكم في الاجتماع اعتقد الاول لشباب امريكا وخبرونا بآخر التطورات :)

حسن العمادي من امام السفاره القطريه .. واشنطن دي سي
:)

Dana Al-Kuwari

12-06-2006, 06:39 AM

هذا احنا.. نشتط نشتط وبعدين ؟؟

الي اجازته غير .. والي دراسته غير.. والي ظروفه غير.. :)

Jassim.Al-Shamali

13-06-2006, 06:51 PM

Salam 3alikom
I am one man in USA also.I finished my bachelors and now I am back for one year in us.

Mohammed Al-Mousawi

15-06-2006, 12:32 AM

هلا اخوي جاسم..

وين فامريكا ؟

تحياتي

J.H.Al-Qahtani

24-07-2006, 07:57 PM

Ahmed Al-Salahi

26-07-2006, 04:36 PM

انا حاليا في بريطانيا وان شاء الله ارجع الدوحه قبل 5\8 وايصير الاجتماع

Mohammed Al-Mousawi

04-08-2006, 02:38 AM

بالسلامه اخوي احمد

وناطرينك

Abdulla Al-Naemi

06-09-2006, 08:09 AM

eL-SLaaaM To u aLL :'pP
am a new guy here just came back (to Qatar) from Ne york,
and am Going back THere in a month or something, Still improving My eNGLeEZi Languange w-inshalla I'll join New York University (don't know when!) but inshalla not far from now, and count me on the Student thing that u guys are doing here, nice knowing about thing site and wish u all the luck :)

Abdulla Al-Naemi

06-09-2006, 08:20 AM

Its New York** aND am not not sure if there was any Qataries in new york!

Ahmed Al-Salahi

06-09-2006, 01:34 PM

حياك الله اخوي عبدالله النعيمي
وياهلا ومرحبا بك في منتداك

Abdulla Al-Khayarin

18-09-2006, 08:06 AM

شكرا اخوي خالد على طرح هذا الموضوع.
أنا إويد فكرتك.
وعلى فكره يا شباب في شهر يناير اللي راح تقريبا 35 طالب من الداخليه بدوا دراستهم في امريكا.
طبعا متوزعين في اللي في ماري لاند واللي في كولارادو واللي في كانسس واللي في ميزوري واللي في انديانا واللي في كالفونيا واللي في فرجينيا.

Mohammed Al-Mousawi

18-09-2006, 08:53 AM

يامرحبا فيك اخوي عبدالله

ياريت لو تعرف الشباب تدعوهم للموقع علشان ننسق موضوع التجمعات

تحياتي

Salem Alsaqatri

22-09-2006, 04:39 PM

السلام عليكم..
أنا إنشالله رايح جامعة ميامي الفصل الجاي، بس توني ما خلصت إجراءات المجلس الأعلى "انشالله تعدي على خير"، المهم حبيت أعرف الشباب اللي معاي هناك لاني ماعرف إلا اثنين بس.

Mohammed Al-Mousawi

22-09-2006, 07:03 PM

وعليكم السلام ورحمة الله اخوي سالم

الموجودين في ميامي 5 طلاب

ثامر الكواري
مبارك الكواري
عبدالعزيز العلي
احمد الحيدر
محسن بوكشيشه

وللأسف ولا واحد منهم يدخل الموقع

بس ماعليك..اذا احتجت منهم اي شي اكلملك اياهم..
واذا تبي اعتقد انت موجود معاي عالمسنجر تقدر تكلمني واعطيك ايميلاتهم

تحياتي لك

Ahmed Al-Salahi

23-09-2006, 02:01 AM

ياسلام والله الموسوي ما شاء الله هاب ريح
الله ايخليك حق طلاب امريكا يارب

اخوي سالم ... اي شي ترانا حاضرين في الدوحه ولا في امريكا الشباب مب مقصرين معاك والله ايسر لك امورك مع المجلس الاعلى

Mohammed Al-Mousawi

23-09-2006, 03:55 AM

ياسلام والله الموسوي ما شاء الله هاب ريح
الله ايخليك حق طلاب امريكا يارب

ههههههههههه...:o

افا عليك يالصلاحي....حاضرين يالغالي..:o

واحنا فخدمة طلاب امريكا :cool:

Dana Al-Kuwari

23-09-2006, 07:08 AM

لحول الله :D ..
والله شكله يبيله ظربه من ظربات سبتمبر علشان يخف الظغط عندنا وتتجه الامه على لندن..
ول ول من نروح ولايه الا العربشن مصطفين مب شي حق الفضايح :D ..

LOL

Fahad A Al-Mahmoud

20-10-2006, 10:31 AM

Fahad A Al-Mahmoud

20-10-2006, 10:31 AM

و يا جماعه اذا تبون القطريين كلهم والله تصيدونهم على الفيس بوك .. كلهم متجمعين هناك ..

Dana Al-Kuwari

20-10-2006, 12:34 PM

شعندهم الشباب مسويين حصر للشباب القطري بامريكا..

من غير ذي كله..
روح اقرب مطعم عربي ولا شاميبتلاقي امة لا اله الا الله مسدحين هناك :)

غير هذا ترى في وايد مايدشون الموقع للاسف الشديد..
وان قلنالهم قالوا ماعندنا وقت..

اقعد يا وزير الدفاع!

اما بخصوص كلورادو.. بل العالم كلها هناك شسالفه؟؟؟؟؟

والله شكلي باحول قسم بالله :D

يمدحون ولاية ساوث دكوتا يقولك ولا قطري فيها ربيع :D

Mohammed Al-Mousawi

20-10-2006, 02:04 PM

أخوكم فهد آل محمود .. من الطلاب المبتعثين في 2005 .. جامعة كارنيجي ميلون في بتسبرج بنسلفينيا ... امحق مدينه قسم بالله .. باحول ان شاء الله لكولورادو .. حكوني حك الجامعه مالي حيل علها والله ..

حيالله هل بنسلفينيا...وين شدعوة ياخي بتهدنا وبتروح حق الاعداء كلورادو..<<<متسبب لوووول

احنا مو بعاد عنك...كلها 3 ساعات تقريباً بالسيارة..اذا عندك موتر حياك صوبنا

المهم...مالقلتلي كم قطري موجود حالياً في بتسبرغ؟؟

و يا جماعه اذا تبون القطريين كلهم والله تصيدونهم على الفيس بوك .. كلهم متجمعين هناك ..

بخصوص الفيس بوك...ترى عندنا جرووب للقطرين اللي في امريكا

qataries student club--USA

وفيه حول ال 45 عضو

.
.
.
تحياتي لك اخوي

Fahad A Al-Mahmoud

21-10-2006, 05:36 AM

ترى يا جماعه انا سويت بحث عن القطريين في بتسبرغ .. مالقيت الا اثنين .. واحد عمره 30 اسمه نواف الكواري يدرس طب في جامعة بتسبرغ .. و واحد في هالمنتدى .. ماعمري شفتهم .. لا تقولين لي مطعم عربي .. مافي اهنيه .. مدينتي بكبرها مافي الا 3 مطاعم فيها اكل حلال .. هندي و عربي و فاست فود بس .. زهقت حياتي قسم بالله كل يوم .. و ترى يا جماعه مدينتي قسم بالله مستنقع سعوديين .. تخيلوا قطري بين 100 سعودي .. الحمدلله ان جامعتي مافيها الا 4 سعوديين .. اثنين دكتوراه و اثنين اول سنه .. البقيه كلهم في جامعة بتسبرغ .. اغلبهم والعياذ بالله رفقاء سوء.. المهم .. هالجامعه الله يطول في عمركم اللي اسمها كارنيجي ميلون حكتني حك الحمير .. الله يعز السامعين ان شاء الله .. و اخوكم جاه رمضان و زهقققق .. يعني كنت الحمدلله مخلص ثلث عدد الساعات اللي لازم اخذها عشان اتخرج .. لكن ربكم ما دخل في قلبي حب هالجامعه و زهقت و قمت احذف مواد .. و لقيت اني الحمدلله اعرف حدود ال15 واحد في كولورادو و يقولون الجامعه سهلااااات .. قلت مابدهاش .. قدمت و القبول جاني بعد يومين الحمدلله .. و يالموسوي بكل صراحه انا ماعمري عتبت عندكم .. انا ياخوك الجامعه حكتني والله العظيم قبل ما احذف مواد اني ماكنت اطلع من شقتي ادرس 8 ساعات في اليوم .. اول ما عزمت على الرحيل و جهزت حقيبتي << اشفيه .. المهم قلت يا حبيبي الله ياخذ الدنيا و تواعدت مع شباب دي سي في فرجيينا .. كل شباب ميري لاند و دي سي كلنا تجمعنا في فرجيينا و احلى كلا م يا شيخ .. ماودي ارجع ههههههههه
وبيني و بينك اذا تبي الجمعه ترى الثانكس جيفينج بريك قريبه .. و انا باذن الله باسوق لي فرجينيا عشان ربعي في كولورادو بيجون عندنا .. حياك

Dana Al-Kuwari

26-10-2006, 08:01 AM

^
^

زين سويت والله

Ahmed Al-Salahi

26-10-2006, 09:01 PM

اخوي فهد

حياك الله والشباب مابيقصرون وين مارحت في امريكا
بالنسبه لبتسبرغ ... ما ادري عن المدينه بس الجامعه مب من الجامعات السهله ويبغيلها شغل يعني اللي بيتخرج منها بيطلع من الناس القله اللي درسوا فيها ولهذا السبب فتحوا فرع للجامعه هنيه في قطر في المدينه التعليميه ( علوم حاسب و اداره اعمال)

الله ايوفقك اخوي فهد

H_Mohammed

11-04-2007, 08:52 AM

مرحباا ياجماعه شخباركم انشالله بخير

احب ازيدكم ..
في طالبتين يدرسون في كلفورنيا ,سان ديغو

هم الحين يدرسون اللغه وانا معاهم بس انا راجعه الدوحه
وهم بيكملون وحده بتدرس ماستر والثانيه بكلوريوس

وسمعت في واحد قطري يدرس بنفس المدينه من الاصمخ لاكن ماعندي خبره

الله يوفق الجميع

J.H.Al-Qahtani

11-04-2007, 01:35 PM

السلام عليكم

مشكورة اختي على المعلومات>> فريق مباحث :D

اختي انا حابة اتواصل مع البنات ومعاج ..بما انهم موجودين هنا..

والله يعطيج العافيه ويقويج

:)

H_Mohammed

14-04-2007, 11:01 PM

مرحباااااااااااااااااااااااااا J.H.Al-Qahtani

ياسلام لاتقولين انج في نفس المدينه ياربي ياوناسه
والله انه وناسه :D هاذا وجهي من الوناسه

احنا ندرس اللغه في معهد ALI في جامعه
San Diego State University

وابي اعرف كيف ارسل رساله بكل المعلومات

خبرتي بالمنتديات قليله:D

ياليت نشوفج باقرب وقت

J.H.Al-Qahtani

14-04-2007, 11:04 PM

لالالا انا مو بنفس المدينه

انا بولايه ثانيه
شيكي الرسائل الخاصة اختي :)

K.M.Al-Dabhani

15-04-2007, 08:04 AM

Asalam alaikom,
I just came here last semester, Im in Buffalo, NY at Buffalo State Collage
wasalam alaikom

J.H.Al-Qahtani

15-04-2007, 08:11 AM

هلا اختي...الدبحاني >> ان شاء الله يكون صح :rolleyes:

مر حبا فيج في منتداج بين اخوانج وخواتج
وان شاء الله تكون مشاركتج معانا ...فعالة ومستمرة...

وبتشوفين مع الوقت شلون الشبكة بتكون هي قطر بالنسبة لج >> شعوري حاليا :)

(اخيرا عاااد شاركتي :) مابغينا )

J.H.Al-Qahtani

15-04-2007, 08:17 PM

اختي ح. محمد...اسعدني التواصل وياج...ونتمنى التواصل يظل للأبد في الشبكة وخارجها...

واوجه دعوة لكل القطريين والقطريات اللي بولايتكم للأنظمام الينا..:)

اختي الدبحاني...
معرفة اتشرف فيها الصراحة....وفرحانه حدي انج ويانا :)

والله الفرحة مو سايعتني...>> اخيرا يابنات امريكا :cool:

لكم كل الود والمحبة ..:)

N Mubarak

07-05-2007, 12:20 AM

السلام عليكم

هلا والله

شخباركم؟

انا اللي بدرس بكلوريوس في سان ديغو, كليفورنيا

ضيفوني بالحسبه :)

احب ازيدكم ..
في طالبتين يدرسون في كلفورنيا ,سان ديغو

هم الحين يدرسون اللغه وانا معاهم بس انا راجعه الدوحه
وهم بيكملون وحده بتدرس ماستر والثانيه بكلوريوس

الله يوفق الجميع

J.H.Al-Qahtani

09-05-2007, 06:31 PM

هلا هلا بنت مبارك...

نور القسم فيكم...

وان شاء الله تستمرون معانا...(وينكم ماتعطونا فيس..)

وياريت اتجيبون الباقي هنا بعد :) وشدوا الحيل ...

بالتوفيق يارب واهلا بكم في قطريز

Mohammed N Al-Emadi

11-05-2007, 01:56 AM

Mohammed Al-Mousawi

11-05-2007, 03:43 AM

حالياً في اكثر من قطري في سان ديقو..و كم واحد يشتغلون على الترانسفير

N Mubarak

11-05-2007, 07:02 AM

اخوي محمد حياك الله بسن ديقو وانشالله المدينه بتعجبك

والله ودي اعرف اذا في قطريات في سن ديقو

اتمنى النادي يتأسس بسرعه وانا حاظره لاي اجتماع واي خدمه

Fahad A Al-Mahmoud

12-05-2007, 06:48 AM

ما شاء الله الشباب رايحي ساندييقو .. مدينه حلوه والله
رحت لها و انا في الاعداديه .. تخرج منها اخوي
والله يا الربع كنكم في المكسيك هههههههههههههههه
على الحدود بالظبط .. بينكم و بين المكسيك يمكن ساعه و نص ..
و لكن الجو روعه في الصيف ..
يالله .. بالتوفيق يا جماعة الخير ..
والله يهون علينا غربتنا و يرجعا لبلدنا سالمين و غانمين

remi khalid

16-07-2007, 10:16 PM

ماشالله عدد كبير من الطلبه في كاليفورنيا ..
المشكله كله يحسبونا مكسيكان ..
انا في Irvine .
مافي بنات هناك ؟ ابغي اتعرف على قطريات مليت ماعندي ربع :s72): ومب قادره ابلع الجنسيات الثانيه العربيه والغير عربييه

Hamad Abdulla Al-dabbagh

15-08-2007, 06:31 AM

السلام عليكم ورحمه الله وبركاته.

أخوي خالد الهاجري. شاكر لك على هذي المشاركه الطيبه وبيض الله وجهك . شغلك عدل نبغي نوحد الطلاب كلهم وهذا شي طيب.

أنا طالب سنه أولي في جامعه Colorado State University, Fort Collins.

بخصوص أخوي جــاســم انا ياخوي موجود في فورت كولنس وانت تقول ان انت القطري الوحيد لا والهل في قطريين واجد في هالمدينه

اذا محتاج شي ولا شي ابشر بالخير او اي مساعده حاضر لك يا الطيب

وأنتظر ردك ياخوي جاسم. وشاكر لك يا خالد الهاجري على هالمشاركه الطيبه

أخوكم: حـمـد بـن عـبـدالـلـه الـدبـاغ

Colorado State University, Fort Collins.

JABOR ALI H A AL-MOHAMMADI

01-09-2007, 10:55 AM

As-Salamu Alikum,
Ana kunt fee USA fee Eugene, Oregon

H_Mohammed

09-09-2007, 03:36 AM

مرحبا ريمي شخبارج
معليش سامحيني توني اشوف رسالتج ولا اقدر ارد عليج

وعلى سؤالج والله ما اعرف احد هناك واحنا جداد بالمنطقه بس ليش ما تزوريناا بنقوم بالواجب

ويليت تعطيني ايميلج براسلج على الايميل اذا ممكن

سلاااااااااااااااام

Eid Al-mohannadi

20-09-2007, 10:54 PM

السلام عليكم ورحمه الله وبركاته

معاكم اخوكم عيد المهندي

من بـ Houston - Texas

ومعاي شباب " اثنين "

فكره النادي حلوه وايد وأييدها بقوه الصراحه

(=

Naser Mansour

05-02-2008, 08:52 AM

unvirsity of houston

iam with Eid Al-mohannadi

^^

Ahmad Al-Saygh

20-03-2008, 07:56 AM

كح كح في ولاية أيوا بروحي أكل ذرة

Iowa State University

أول قطري في الجامعة هع هع

R. Al-Harami

24-03-2008, 02:37 AM

وانا كنت احسب اني انا اول قطرية .. انا اول من قص شريط الافتتاح الاصفر :D

مومشكله انت في Iowa وحنا جنبكم جيران يعني في :)NE

Ahmad Al-Saygh

24-03-2008, 03:06 AM

عاشوا طلبة الميد ويست لول

من نبراسكا >< Beat Nebraska ... Go Cycolnes :P

Dana Al-Kuwari

24-03-2008, 03:07 AM

^
^

اما اول قطريه؟؟ ههه

يا جماعه الخير في قطريات ومعاي في كاليفورنيا كاونتي ثنتين
وحده انسه والثانيه متزوجه ومعاها طفل

في قطريات بس على حسابهم الخاص. لا سفاره تدري عنهم ولا بطيخ
يعني مفصولين نهائياً..

هذا غير بعض الطالب الي يرجع الدوحه ويتزوج ويجيب مرته
وتدخل الجامعه وتدرس على حسابها لغه واحتمال تاخذ دبلوم
بما انها جالسه.

غير دفعه 2002 كنت اسمع عن بنت في واشنطن
ماشالله عليهم الشباب يسافرون فالبريكات ومايخلون شي الا ويشخلونه :)

اما بخصو احمد الصايغ
ايوا عاد ؟؟
مالقيت مكان شوي احسن ؟؟ ههههههههههههههههه

Ahmad Al-Saygh

24-03-2008, 03:12 AM

شارد عن تجمعات شباب قطر خخخ ... أبي أكتشف العالم الثاني إلي محد يزوره إلي هو الـ"Midwest" وأجرب الشتاء خخخ

وتخصص الهندسة المعمارية في الجامعة ترتيبه الرابع في أمريكا

بس سويت سمعة طيبة عن قطر في الجامعة ^^

Dana Al-Kuwari

24-03-2008, 05:41 AM

اهم شي السمعه الطيبه ياخوي
بعدي عليك

بعدين شفيها تجمعات شباب قطر؟
والله احسن منها مافي
عالاقل اتكلم واسولف عن مناطق واماكن فالدوحه وحد يفهم علي ومن بيئتي ومن ديرتي
غير هذا تحس ان هالصحبه ماراح تندثر مسيرك في يوم تلاقيهم فالدوحه وتتذكر الايام الحلوه
عشرتهم ممتده شبيبه الدوحه هههه

غير جي اذا واحد منهم رجع البلاد توصيه يمر بيتكم يشل كم كيس من الوالده ويجيبها على طريجه هههههه
<< مصلحجيه هالبنت ههههههه

لا بس والله شيوخ وماعليهم قصور
بس الحجي فيهم زايد وانا اختك :)

Ahmad Al-Saygh

24-03-2008, 05:54 AM

شبابنا ما يقصرون ... خصوصـًا حق الحجي الزايد لول

فأبي أحتك بطلبة غير عن موطني فأكون أنا سفير الدولة وأتكلم عن بلادي ... بالعربي أبي أجرب شي جديد أدري شي ما تتوقعينه مني ههه

khaled Alkuwari

03-11-2008, 01:37 PM

والله مشاكل؟؟ شباب قطر قومه مب خط

Alanood.K

03-11-2008, 11:24 PM

السلام عليكم ورحمة الله

انشاءالله انضم لكم قريب بس في ولاية بنسيلفينيا واتمنى الاقي احد معاي من قطر ، وينكم يا اهل قطر طالبات وطلاب انتظروني انا بييكم خخخخخخخخخخخ

Khadeja A

07-11-2008, 06:06 AM

السلام عليكم..
وناسه شالجمعه الحلوه .. كل الطلبه هني ماشاءالله دخلت اول صفحه اله اقره الرد من تاريخ 2005 واحنا احين بنهايه 2008 .. ومابعد يخلصون طلاب امريكا..لووول

انا صرااحه توني جاايه من السبرنق الي طاف .. ووييت ولايه Oregon in University of Oregon
وافتقد الجمعات القطريه.. انا القطريه الوحيده هنا في 2 شباب توهم يايان اتوقع واحد منهم يكمل مجستير او شي كذا ماعرف والثاني كانه لغه .. بس على حسابهم على حساب الحكومه ماعرف ..

اعرف انه في ماشاءالله قروب هواجر ببورتلند .. وو حوالي 3 قطرين كانو هنا بالجامعه ونقلو منطقه بورتلند.. هاي السمستر ..

والله والنعم بالقطريين .. معاملتهم كويسه ومحترمين .. وراعين واجب ..

يعني شكلي انا العنصر البناتي الوحيد هنا ..

khaled Alkuwari

07-11-2008, 02:03 PM

السلام عليكم

انشالله انشوف بنات قطريات معاج ونشوف بعد شباب في Oregon وهل قطر يستاهلون كل خير و ولاية اوريجون واجد حلو وحق دراسة (اسوي دعايه هااااا)

Alanood.K

08-11-2008, 01:13 PM

هلا اختي خديجه وانشاءالله بنتلاقى مع الباقي انا بصراحة اشوف ان لازم نتلاقى كل القطريين سواء بنات او شباب في يوم الاجازه في اي منطقة لان داخل الولايات مب صعبه الا تذكره الطيران الداخلي رخيص وربع ساعه او نصف ساعه وبنكون متجمعين شنو راييكم ياطلاب قطر ياريت تتفقون على هذا الراي وانا بانتظاركم

Mohammed A. Al-Khulaifi

18-11-2008, 09:45 PM

الإخوة والأخوات الكرام اعضاء المنتدى

السلام عليكم ورحمة الله وبركاته

بما ان الموضوع يتعلق بالطلبة المتواجدين حالياً في امريكا لإكمال الدراسة الجامعية ،، فارغب في ضم صوتي لطلبة ولاية كاليفورنيا
أنا طالب ماجستير - قانون - في جامعة كاليفورنيا - بيركيلي ٢٠٠٨ - ٢٠٠٩
The University of California - Berkeley
للاسف منطقة بيريكلي بعيدة نوعا ما عن مناطق الجامعات المذكوره مثل لوس انجلس و سان ديجو
جامعة سان فرانسيسكو هي اقرب الجامعة لي
على العموم ،، اردت فقط ان اشارك في هذا الموضوع تحقيقا لرغبة اخوي العزيز جاسم النعمه
بالتوفيق للجميع

محمد الخليفي
مساعد تدريس - جامعة قطر