((الوصل)).. البطل غير المتوج

[Faisal Al-Moftah]

http://www.jawaher-qtr.net/uploads/d850094a42.jpg

بسم الله والصلاة والسلام على رسول الله
السلام عليكم ورحمة الله وبركاته

اما بعد

الكل تابع او الاغلب نقدر نقول تابع مباريات بطولة كأس الشيخ جوعان بن حمد آل ثاني

وما لاقته البطوله من حسن تنظيم في جميع المجالات

واشكر كل المنظمين على البطوله الف شكر ونقولهم الله يعطيكم العافيه

انا بتكلم عن فريقي

فريق الوصل الي بالاصفر <<---- علشان الي مايعرفون

فريق الوصل اعضاءه

محمد البوعينين (( حارس))
ناصر البنعلي ((لاعب رقم2))
سعود جمالي ((لاعب رقم 11))
جاسم دريوش ((لاعب رقم 6))
ناصر الانصاري ((لاعب رقم 10))
احمد المري (( لاعب رقم 15))
علي البوعينين((لاعب رقم 7))
عبدالله الملا ((كأداري للفريق))

للعلم فريق الوصل عرف عن البطوله قبل لا تبتدي بثلاث ايام
والحمدلله لحقنا ان نخلص الفريق في نفس اليوم وخلصنا كلشي ماعدا تسليم الصور صور البطاقات الشخصيه سلمناها في اخر يوم لظروف سفر اعضاء الفريق

بدأ الفريق في مجموعه

برشلونه
الوكره
نابولي
الوصل

لعب اول مباراه مع نابولي فاز فيها 9-0 واعتقد التفاصيل موجوده
ثاني مباراه لعبناها مع برشلونه وفزنا 4-1
وثالث مباراه لعبناها مع الوكره وتقريبا لعبنا بربع مستوانا وفزنا 2-1

كل الفرق ماقصرت ونقولهم الله يعطيكم الف عافيه


وبعد ما اعتلى الفريق قمة الصداره في المجموعه وهو الفريق الوحيد الي فاز في جميع مبارياته في البطوله في المجموعات ويعتبر دفاعه اقوى دفاع وهجومه يعتبر من اقوى هجوم في جميع الفرق

واللعب الحمدلله نظيف


وبالنسبه للتنظيم : كان يطلب للفريق انه يحضر قبل المباراه بساعه لكن فريق الوصل كان يحضر قبل المباراه بساعه ونص او ساعه وربع ويكون موجود قبل الفريق المنافس

بالنسبه للجمهور يمكن اكثر جمهور تحصله في جميع المباريات موجود في مباراة فريق الوصل

بعد كل الي كتبته

مب اني اقول هذا فريقي لكن ارفع راسي فوق واقول هذا فريق الوصل الي لم يحسب له الف حساب ومن اول مباراه ترشح لانه يكون البطل للبطوله وبجداااااااره وعلى كلاااااام الكثير من منظمين ومن جمهور ومن لاعبين الفرق الاخرى

لكن قدر الله وماشاء فعل والحمدلله راضيين بالي صار

مع ان الغلطه مب غلطتنا غطلة اداري النادي الي قالنا ان اللاعب مشطوب من النادي وهذا يدل على وعي الاداره عندنا في قطر ماشاء الله

والحمدلله الشخص الاداري في قطر يقدر انه يحترف اداريا ولله الحمد واكبر دليل موقفنا الي صار

على العموم

حبينا نقدم اعتذار للكل

اسفين اسفين اسفين

ماكنا نبي نخرب البطوله لكن هاي الي صار

اشكر كل الفرق المشاركه وادعو لهم التوفيق

واشكر فريق الوكره الصراحه الي ماقصروا وكانوا ويانا مع اني كنت اتمنى انهم يكملون البطوله لكن كابتنهم مب راضي

على العموم

الف شكر لموقع قطريز من مدير الى اصغر عضو موجود

كل الشكر لفريقي الوصل

وكل الشكر لكل من اتصل فيني وتأسف على خروجي من البطوله وقال ان بطل البطوله غير متوج وطلع بدون خساره ومرفوع الراس

ماهمني الخروج من البطوله كثر ماهمني اني اتعرف على هالوجيه الطيبه في جميع الفرق

وفي الختام لكم مني كل التقدير والاحترام

اخوكم

فيصل المفتاح ((كابتن فريق الوصل 99 ))


ترقبونا في البطوله الجايه ان شاء الله
واحفظوا هالاسامي الي لعبت

والسلام عليكم ورحمة الله وبركاته

http://www3.0zz0.com/2007/07/12/22/43891622.jpg

[Nasser Al-Binali]

كفيت ووفيت ياكبتن فريقنا


وحبيت ازيد وقول لمنظمين البطول ...........لا تعليق


ويعطيك العافيه يا فص ول

[Mohammed AL-Buenain]

شوف بكثر ما أنا زعلان وفريقي ككل زعلان وماخذ في خاطره من الحركه اللي صارت ولكن الحمدلله على كل شي

وهالشي الله كاتبه ومالبيد حيله

يعطيكم العافيه يا منظمين وفي خاطري اقول كلام كثير ولكن مابي اخرب جو البطوله

التنظيم كان رائع واغلب المنظمين ماقصروا ويعطيهم ربي الف عافيه وبيض الله وجييهم وارحم الله والديهم على هالجمعه الحلوه اللي تعرفنا فيها على الكثير واستمتعنا فيها وماكان ودنا تنتهي بهالشي بس قدر الله وماشاء فعل.

وان شاء الله الأخطاء اللي صارت من بعض المنظمين والمسؤولين ماتتكرر عشان ماتضيع مجهود فريق دخل بطموح كبير واجتهد كثيراً ولكــــن ..!!

الله يسامح اللي كان السبب واليوم الجمعه يوم خير وعيد للمسلمين =)

يعطيك العافيه يا كابتنا ويالله الجايات أكثر ان شاء الله

والله يعين علاوي ودانوه اليهال لو دروا ان طلعنا وللحين في لعيبه مايدرون بس ماقولهم اللا يعطيكم الف عافيه

يعطيكم العافيه كلكم يا لاعبينا

من كابتنا فيصل

وجاسم درويش والهداف احمد المري وناصر الأنصاري وعلي البوعينين وناصر البنعلي وسعود الجمالي.

والى كل واحد تعب وتعنى وآزرنا وانقولهم كان ودنا نفرحكم ونقدم لكم الكأس ونفرح وياكم لكن مافي نصيب

والى اصغر مشجع واللي يتعبر روح الفريق علاوي اللي عمره ماتعدى ال 5 سنين وكان يصارخ ويصفق ويسخن ويانا في الملعب ههههه =)

يالله ان شاء الله راح نتواجد كلنا وراح نساهم في نجاح البطوله

في الختام

السلام عليكم ورحمة الله وبركاته وجمعه مباركه عليكم

اخوكم /

محمد البوعينين

[Jassim Darwish]

امممممممم يعطيك العافيه كبتنا فيصل
عجبتني ياكبتن طلعت اكبر من الكل واعتذرت عن شي انت مالك ذنب فيه اللي هو انا اعتبره خطأ النادي والإداره
واحنا ماتهمنا البطولة وطلعنا بنتايج مشرفه ب3 انتصارات ورا بعض وبنتايج حلوة شي حلوووو وتعرفنا على ناس طيبين
وحبيت اقول لكل اللعيبه اللي في الفريق واللي كان يشجع الفريق والادارين بعد يعطيكم العافيه
وانشالله يوم الاحد بنكون فالملعب نشوف المباريات ولا بالزي الموحد (الوصل) والله يوفق الكل
بس عندي نقطه للإداره في افرقه ثانيه تستاهل تتاهل بدال الفريق اللي حاطينه بدالنا يعني فريق يخسر منا 9-0 والاخير فالمجموعه واخر شي يتأهل ؟؟حرام والله في افرقه اطلعت على فرق اهداف لو تدخلونها احسن
اخوكم
جاسم درويش

[Abdulaziz Al-Tamimi]

صــــراحـــــــه حرام والله كان خاطري اتمتع بلعب الوصل وانا توقعت انه هالفريق بياخذ البطوله بس يالله ماعليه....الجايات اكثر انشالله

[Abdullh Al-harm]

الصراحة الفريق لا يستحق الشطب

لكن قدر الله وماشاء فعل

تعوضونها في البطولات القادمه

[Omar Al Ashqar]

السلام عليكم

في البدايه كبتنا فيصل كتب لكم قصة فريق بطل لم يتوج(احرموه)

احب اشكر اعضاء فريق الوصل افضل فريق لعب في البطوله من جميع النواحي

حتى من ناحيه التشجع فهو يعتبر صاحب اكبر قاعده جماهريه في البطوله وجمهوره من جميع الفات السنيه



فيصل اعتذر على شي ماله اي ذنب فيه

فريقنا تحمل غلطة منظمين البطوله ولكن الله يسامحهم

اشكر الجميع في النهايه وراح يبقى الوصل بطل البطوله في مخيلتنا وذوتنا

تحياتي
اخوكم
عمر الأشقر

[Mohammed- AL-Muftah]

مساكين .. والله يسامح من كان السبب

[Amer Haji]

كنتو من الفرق المميزة لولا انكم مسجلين في الفريق لاعب نادي
يالله هارد لكم

[Jassim Darwish]

لا اخوي
السالفه مب سالفه لاعب نادي
السالفه هي ((انه اللجنه لاتخذت قرار ماتقدر ترجع فيه حتى لو غلط )) هاي الكلام اللي وصلنا من كذا واحد فاللجنه
ويعطيكم العافيه على المرور

[Amer Haji]

مستجدات البطولة : تم إلغاء نتائج فريق الوصل و اعتباره خاسرا في جميع مباريته الثلاث 6-0 و لذلك لتسجيل لاعب من لاعبين الأندية و مخالفة لوائح البطولة. و تم تصعيد فريق برشلونة للمركز الأول.

اعتذار فريق الو كرة ليحل(ثانيا) و ذلك لظروف خاصة.

مشاركة فريق نابولي في دور الثمانية باعتباره ثانيا للمجموعة الثالثة

[Omar Al Ashqar]

بعد

طلع الكلام جي

مع ان احد المنظمين ....... والا خلني ساكت كل شي في يد كبتن الوصل

واذا حب يكشف الحقيقه الكامله فالأمر راجعله

[Faisal Al-Moftah]

المنظمين مامقصرين والله يعطيهم العافيه

[Jassim Darwish]

مب لازم نقول كل شي
خل البطوله تطلع حلوة فعيون الكل مانبي نخربها واحنا اكبر من جيه

[Abdulaziz Al-Mawlawi]

الصراحه ,, وبدون اي مجامله ,, فرقكم 10 على 10 ,, والكل كان يقول ان الوصل بياخذ الاول ,,,

بس يالله ,, الله يعطيكم الصحه والعافيه ,, و تعالوا شجعونااا لوول

[Faisal Al-Moftah]

افا عليك بوسعود بنشجعك ولا يهمك وانا اشجع الفريقين الي بيلعبون مع بعض تشلسي وقطر

:)

بالتوفيق

[Jassim Darwish]

افا عليك بوسعود ماطلبت شي بنشجعكم بس عاد بيضوا ويهنا
والله يوفقكم