اعتذار عن الاستمرار

[Abdulla Al-Fayhani]

بسم الله الرحمن الرحيم

السلام عليكم ورحمة الله وبركاته

في البداية أحب أبارك لجميع الناجحين والناجحات وخصوصا أعضاء هذا المنتدى ..

وبهالمناسبة بغيت اشكر اخواني وخواتي أعضاء نادي الطلبة القطريين في ليدز .. على جهودهم الكبيرة خلال السنة الدراسية السابقة.. والتي أبهرت الجميع .. وهذا الشي مب غريب عليكم يا أبناء ليدز ..

وبغيت أقدم اعتذاري عن الاستمرار في قيادة النادي للسنة القادمة .. وذلك بسبب ظروف كثيرة أهمها الدراسة ..
ولكن .. هذا ما يمنع إني أكون بجانب الادراة القادمة .. لأننا في النهاية نمثل قطر .. وواجب علينا كلنا نمثل بلدنا خير تمثيل في الخارج ..

ونقطة أخيرة بغيت أوجهها لإخواني وخواتي في ليدز : اسمحولي إذا قصرت .. وأتمنى إني كنت قد المسؤولية والثقة اللي منحتوها لي .. وأحب أشكركم مرة ثانية على تعاونكم معاي.. والصراحة لولا جهودكم الجبارة .. ماوصل النادي إلى ماهو عليه الآن .. والشكر موصول للجنود المجهولين في النادي اللي ماقصروا حقيقة .. فبيض الله وجيهكم يا ابناء ليدز .. وفعلا الواحد يفتخر انه اشتغل مع هالمجموعة الطيبة ..


ولكي تكتمل الصورة للجميع .. إن شاء الله راح يتم انتخاب الادارة القادمة قبل بداية العام الدراسي القادم .. فكل التوفيق للادارة الجديدة مقدما ..

تحياتي للجميع :)

[Sultan Al-Kuwari]

أخوي عبدالله .. البوس سابقا ..

طبعا انت ما قصرت الصراحة .. كنت نعم القائد مثل ما يقولون ..

وأنا بعد أحب أشكرك من الأعماق على اللي سويته ..

واعتذارك يالغالي مقبول .. وبالتوفيق للادارة الجايه ..

وسامحنا على اي قصور بدر منا ..

وان شاء الله احنا كلنا مع الادراة الجديدة ..

ولك ألف تحيه ..

والسلام عليكم ورحمة الله وبركاته .. :)